Sră Pơyoa Pol Dê Pơyoa Tit In 1:4 - Sră Goh 2018

⁴ Añ pơyoa Tit in, la kòn tòm añ jê tòm bơta dòn bal: Dan mê in geh bơta nđàc mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng Dong Klàs bol he dê.

Sră Pơyoa Pol Dê Pơyoa Tit In 1:4 Mawu Ofanana

Luka 2:11

hơ̆ la ngai do tòm ƀòn dờng Dabit dê neh deh bol mê in dô Bơtau Dong klàs, la Krist, la Yàng.

Jang 4:42

Bol khai đơs mơ cau ùr hơ̆ lah: “Tŭ do bol hi dòn, ò di gam bơh jơnau ai neh đơs mơ bol hi ò, mơya bơh să tòm bol hi neh kơno mơ git lah Kơnràñ ngan la Yàng Dong Klàs dunnia dê.”

Rôma 1:12

hơ̆ la nàng bol he rgơi dong kòl bal mơ gơp bơh bơta dòn bol he dê, hơ̆ la oh mi dê mơ añ jê sơl.

Rôma 1:7

Behơ̆, añ pơyoa jơh tơl nă cau kòñ gơboh Yàng Tom Trồ dê tòm ƀòn Rôma, neh geh hòi sac nàng gơlik gơs cau ơn is Kơnràñ dê. Dan Yàng Tom Trồ la Bèp bol he dê mơ bơh Yàng Jesu Krist ai bơta nđàc mơ bơta lơngap lơngai oh mi in.

II Kôrintô 12:18

Añ neh sồr Tit, mơ oh mi ne lòt bal mơ khai. Tit sa kwì di oh mi sơl ơ? Bol hi ò di cơnđòa jat dô hwềng nùs bal, dô gùng dà bal ò ơ?

II Kôrintô 2:13

mơya bơh añ ò tìp oh mi añ jê la Tit, gen hwềng nùs añ ò suk ơm, gen añ tơngac bol khai mơ lòt tơn hơ Masedoan.

II Kôrintô 4:13

Bơh bol hi gơs dô nùs dòn bal, tòm toh be jơnau Sră Goh neh cih: “Añ neh dòn, gen tàng añ đơs,” bol hi kung dòn gen tàng bol hi đơs,

II Kôrintô 7:6

Mơya Yàng Tom Trồ, la Bơtau pơndòm pơniang cau gơplơ̆ nùs, neh pơndòm pơniang bol hi bơh Tit lòt tus;

II Kôrintô 8:16

Ưnngài Yàng Tom Trồ, Kơnràñ neh ơn tòm nùs Tit gơs bơta kơlôi ngac ngar gơwèt mơ oh mi kung be añ sơl.

II Kôrintô 8:23

Đah mơ Tit, gen khai la bơyô lơh broă bal mơ añ nàng dong kòl oh mi; ai bàr nă oh mi ne la cau kong sồr ală Hìu Jum Goh dê, la bơta gơklŏ Bơtau Krist dê.

II Kôrintô 8:6

Behơ̆ tàng bol hi neh chồl bơtrut Tit, kung lơh tĕ sir broă niam do digùl oh mi, be khai neh sơntòm lơh. Kư̆ lơh sùm mơ dong kòl oh mi lơh wil tơl bơta duh broă do bơh nùs kòñ gơboh.

Galati 2:3

Bulah Tit la cau Grek neh lòt bal mơ añ, khai kung ò gơkòl bơklơn siat gơltau.

Galati 3:26

Bơh jơh ală oh mi la kòn sau Yàng Tom Trồ dê bơh bơta dòn tòm Yàng Krist Jesu.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Ephesô 1:2

Dan oh mi in geh bơta nđàc, mơ bơta lơngap lơngai, bơh Yàng Tom Trồ la Bèp bol he dê, mơ bơh Yàng Jesu Krist.

Kôlôse 1:2

pơyoa ală cau sàng goh in mơ ală oh mi dòn song tòm Bơtau Krist ơm tòm Kôlôse: Dan oh mi in geh bơta nđàc mơ bơta lơngap lơngai bơh Yàng Tom Trồ la Bèp bol he dê.

I Timôthe 1:12

Añ ưnngài Krist Jesu la Yàng bol he dê, Bơtau neh ai bơtơl pràn añ in, bơh Kơnràñ neh sơwì nền añ la cau dòn song, bơtào añ lơh gơnoar broă do;

II Timôthe 1:1

Pol la cau gơnoar bơto dờng bơh Yàng Jesu Krist, jat nùs kòñ Yàng Tom Trồ dê, mơ jat jơnau ho pơgon bơh bơta kis tòm Yàng Krist Jesu,

II Timôthe 1:2

Pơyoa Timôthe in la kòn kòñ gơboh añ jê: Dan mê in geh bơta nđàc, bơta nđàc sơngit mơ bơta lơngap lơngai bơh Yàng Tom Trồ la Bèp, mơ bơh Yàng Krist Jesu la Yàng bol he dê.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.

Sră Pơyoa Pol Dê Pơyoa Tit In 1:3

mơ tus di tơngai lơh nền, Kơnràñ neh yal tơlik tòm jơnau Kơnràñ dê bơh bơta bơto yal, la bơta neh jào añ in jat be gơnoar sồr Yàng Tom Trồ dê, la Yàng Dong Klàs bol he dê.

Sră Pơyoa Pol Dê Pơyoa Tit In 2:13

tòm tŭ kơp gơn bơta gơn kơnòm lơngai lơngò, la bơta tơlik mat dô bă gơklŏ Yàng Tom Trồ dờng dê mơ Yàng Dong Klàs bol he dê la Yàng Jesu Krist,

II Pier 1:1

Simôn Pier, la dĭ gơna mơ cau gơnoar bơto dờng Yàng Jesu Krist dê, pơyoa ală cau neh dòp dô bơta dòn kas màng be bol he tòm bơta song ring Yàng Tom Trồ mơ Yàng dong klàs bol he dê la Yàng Jesu Krist.

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.

II Pier 2:20

Dilah bol khai neh kơnòm dê bơta dòp git Yàng la Yàng Dong Klàs bol he dê la Yàng Jesu Krist, mơ geh lik klàs bơh bơta ngkòr ngkàc dunnia dê rau, mơ dilah gơkòl ală bơta hơ̆ kơt wơl mơ at bồ tai, gen bơta lồi dut bol khai dê rơp gơlik iơh rlau mơ lài òr.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

II Pier 3:2

tồ oh mi in kah jơnau ală cau gơnoar hwơr sàng goh neh đơs lài, mơ bơta sồr lam Yàng dê la Yàng Dong Klàs neh kơnòm di ală cau gơnoar bơto dờng oh mi dê yal wơl.

I Jang 5:14

Do la bơta dòn nền bol he gơs tòm Kơnràñ, hơ̆ la dilah bol he jat nùs kòñ Kơnràñ dê mơ dan bơta lơi, gen Kơnràñ iat bol he.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.