Sră Pơyoa Pol Dê Pơyoa Tit In 1:15 - Sră Goh 2018

¹⁵ Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Sră Pơyoa Pol Dê Pơyoa Tit In 1:15 Mawu Ofanana

Jơnau Pơnđik 21:4

Muh mat pơnhừ, nùs jòng să, mơ ồs đèng cau iơh dê la tồi glài.

Jơnau Pơnđik 30:12

Gơs dô jơi bơtiàn kơlôi sơnơng he la sàng goh, mơya òhềt geh rào goh bơh bơta ƀơ̆ ƀơl he.

Sră Age 2:13

Age đơs lah: “Dilah gơs dô nă cau neh kòl ƀơ̆ ƀơl bơh ƀư di ƀồc chơt mơ tup di dô nơm tòm ală phan hơ̆, gen phan hơ̆ gơlik ƀơ̆ ƀơl sơl?” Ală cau gơnoar ơn phan duh khoai ho wơl lah: “Phan hơ̆ rơp gơlik ƀơ̆ ƀơl.”

Mathiơ 15:18

Mơya ală bơta lik bơh di bơr la gơlik bơh nùs, hơ̆ la bơta lơh ƀơ̆ ƀơl cau in.

Broă 10:15

Jơnau hơ̆ đơs dơ̆ bàr mơ khai lah: “Phan lơi Yàng Tom Trồ neh lơh goh rau gen bañ sền be la ƀơ̆ ƀơl.”

Rôma 14:14

Añ git mơ dòn nền ngan tòm Yàng Jesu la ò gơs phan lơi ƀơ̆ ƀơl is gơ dê ò, mìng gơs cau lơi kơlôi phan lơi la ƀơ̆ ƀơl, gen gơ la ƀơ̆ ƀơl cau hơ̆ in lơm.

Rôma 14:20

Bañ tài bơh phan sa mơ lơh gơprah broă Yàng Tom Trồ dê. Ngan kòp nơm phan la goh, mơya cau lơi bơh sa mơ lơh cau ndai in gơtup tìs, hơ̆ la iơh.

Rôma 14:23

Mơya cau lơi gơs nùs pin wil wơl mơ sa, gen neh kòl lơh nền glài rau, bơh ò di bơh bơta dòn mơ sa; dilah lơh bơta lơi ò di bơh bơta dòn gen hơ̆ la glài rau.

I Kôrintô 10:23

Oh mi đơs lah: “Bol he geh gơnoar lơh jơh ală bơta.” Ngan behơ̆, mơya ò di jơh ală bơta gơs kwơ oh mi in. “Bol he geh gơnoar lơh jơh ală bơta,” mơya ò di jơh ală bơta bơt bơtào oh mi.

I Kôrintô 10:25

Poac lơi tac tòm drà, gen sa tĕ; bañ bơh nùs tồr mơ lùp bơta lơi,

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

I Kôrintô 8:7

Bulah behơ̆ ò di kòp nă cau git jơnau song do; mơya gơs cau neh mòng mơ rùp ràk jơl tus di tŭ do, mơ sa phan gam kơlôi be phan neh ơn rùp ràk in, mơ nùs tồr lơbơn lơño bol khai dê gơlik gơs ƀơ̆ ƀơl.

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.