Sră Ôse 2:3 - Sră Goh 2018

³ Dilah ò gen Añ rơp hồ tă jơh ồi ào khai dê, lòi khai ơm kuh be ngai khai pa deh; Añ rơp lơh khai in gơlik gơs be ƀlàng ngềt ngơt, be ù rañ rsơh, mơ lòi khai in chơt tơhìr.

Sră Ôse 2:3 Mawu Ofanana

Lik Ejiptơ 17:3

Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?”

Esai 33:9

Ù tiah ñìm rac mơ siar roh, Liban gơkòl lơh roh gơprah mơ ñòp ro; Sarôn gơlik kung be tiah ƀlàng bràs, Basan mơ Karmel ro jrùh jơh nha.

Esai 47:3

Bơta ơm kuh ai dê rơp ò geh jơm gòm, bơta ƀàssìl ai dê cau rơp sền gŏ! Añ rơp lơh bơta sal tê, ò pơlai dô nă cau lơi.

Esai 64:10

Ală ƀòn dờng sàng goh Kơnràñ dê neh gơlik gơs dô nơm ƀlàng bràs; Siôn neh gơlik gơs la dô nơm ƀlàng ngềt ngơt, Jerusalem la tiah sang lòi srau gòi.

Jeremi 12:10

Oă cau ê belàt neh tơnroh suơn ño Añ jê, Jă trơm pơnah sre brê Añ jê, Lơh pơnah ù tiah Añ kòñ gơboh Gơlik gơs dô bă tiah srau gòi ngềt ngơt.

Jeremi 13:22

Mơ dilah ai đơs is tòm nùs ai lah: “Ñchi bơh tài bơta do neh gơlik tus añ in taih?” Hơ̆ la bơh tồi glài dờng ngan ai dê, Gen tàng ồi mbơn ai kòl pò hơđang, Mơ ai kong jê sồt iơh rmơh ngan.

Jeremi 13:26

Añ kung rơp yò ồi mbơn ai tus di mat ai, gen bơta ƀàssìl ai dê rơp sền gŏ.

Jeremi 14:3

Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 17:6

Khai kung be ñhơt tòm ƀlàng bràs, mơ rơp ò sền gŏ tòm tŭ bơta lơngai lơngò tus, Khai rơp ơm tòm ƀlàng ngềt ngơt ro rañ, tòm dô bă tiah ù boh ò gơs cau ơm.

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Jeremi 22:6

Do la jơnau Yàng Jehôwa đơs bơh gơlang bơtau Juda dê: ‘Añ sền mê kung be Galaat, Kung be bồ mơnơm Liban, Mơya Añ srat să lah Añ rơp lơh mê in gơlik gơs ƀlàng bràs, gơlik gơs dô nơm ƀòn dờng ò gơs cau ơm.

Jeremi 4:26

Añ sền gŏ sre niam gơlik gơs ƀlàng ngềt ngơt, jơh ală ƀòn dờng gơ dê neh gơprah gơpring, di đap Yàng Jehôwa, bơh bơta gơhào gơjrañ dờng Kơnràñ dê.

Jeremi 51:43

Ală ƀòn gơ neh gơlik bơta rngòt rngơt, Gơlik tiah ro rañ, ngềt ngơt, Ò gơs làng bol ơm, Ò gơs cau lơi lòt gan.

Jeremi 51:5

Israel mơ Juda ò kòl sang lòi, Bơh Yàng Tom Trồ bol khai, la Yàng Jehôwa Gơnap Gơnoar; Bulah lơgar bol khai bềng tồi glài iơh bơsak, di đap Bơtau Sàng Goh Israel dê.

Ejekiel 16:22

Tòm jơh ală broă lơh cù kìr mơ bơta dri tơlàr dê, ai ò kah wơl ală ngai tòm tŭ ai gam kơnòm să, tòm tŭ ai ơm kuh lòi rồ mơ wañ tòm mhàm.’

Ejekiel 19:13

Tŭ do gơ neh tam wơl tòm ƀlàng bràs, tòm tiah ro rañ ò gơs dà.

Sră Ôse 13:15

Bulah khai tơnggơs oă jơi bơtiàn digùl oh mi khai, càl đah mattơngai lik rơp tus, dô nơm càl khồm tus bơh Yàng Jehôwa, guh bơh ƀlàng ngềt ngơt, mơ croh dà khai dê rơp soat mơ hiòng dà khai dê rơp rañ. Đam jàr khai dê gen cau rơp tòmpìt ai jơh ală phan màng neh prap lòi.

Sră Ôse 2:10

Behơ̆ Añ rơp ràng tơlik bơta ƀàssìl ƀàsso khai dê di đap ală cau khai tòmtir, mơ ò gơs cau lơi rgơi dong khai klàs bơh tê Añ.

Yal Tơlik 17:16

Jơt nơm ngke mơ mê neh gŏ hơ̆ bal mơ phan poan jơng rơp gơjrañ kơuềng di cau ùr dri tơlàr ne, lơh khai in ơm is, ơm kuh lòi rồ, sa poac khai dê mơ chu pơrguc khai tòm ồs.

Ală Kwang Cahrña 15:18

Tơnơ̆ hơ̆ Samsôn tơhìr dà oă ngan, gen khai rac dan mơ Yàng Jehôwa mơ đơs lah: “Yàng neh ai cau dĭ gơna Kơnràñ in bơta pha lin dờng do, mơ tŭ do añ pal kong chơt tơhìr mơ dùh tòm tê ală cau ò kong siat gơltau sơl ơ?”