Sră Ôse 10:3 - Sră Goh 2018

³ Gen tŭ do bol khai rơp đơs lah: “Bol he ò gơs bơtau at bồ, tài bơh bol he ò duh rngòt dê Yàng Jehôwa; mơ bulah gơs dô bơtau, ñchi bơta khai rgơi lơh bol he in taih?”

Sră Ôse 10:3 Mawu Ofanana

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

II Ală Bơtau 15:13

Salum kòn klau Jabes, sơntòm at bồ tòm nam dơ̆ pe jơt sin rài Ujia bơtau Juda dê, khai at bồ dô kơnhai tòm Samari.

Đơs Crih 118:9

Kìng crŭ să he di Yàng Jehôwa La niam rlau mơ dòn kơnòm di ală kwang bàng.

Đơs Crih 12:4

Hơ̆ la cau đơs lah: “Kơnòm di lơmpiat bol he geh pha rlau, Sơndồi bol he gơrê mơ bol he; ñcau la cau tòm bol he dê taih?”

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Sră Ôse 10:15

Ơ Betel, hơ̆ la ală bơta rơp gơlik tus hơ bol mê, tài bơh bơta iơh bơsak bol mê dê la dờng ngan. Tòm tŭ rìng àng bơtau Israel dê rơp kong tơnroh.

Sră Ôse 10:7

Bơtau Samari rơp kong roh rui kung be dô nơm thul hơđang nha dà.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 13:10

Tŭ do ntềng đah bơtau mê dê nàng khai dong tă mê taih? Ntềng đah ală cau kwang at bồ tòm jơh ală ƀòn dờng mê dê, nàng mê đơs mơ bol khai lah: “Ai tĕ añ in dô nă cau bơtau mơ ală cau kwang at bồ”?

Sră Ôse 13:11

Behơ̆ tòm bơta gơjrañ Añ jê, Añ ai mê in dô nă bơtau, mơ tòm bơta gơjrañ dờng Añ jê, Añ tă tơlik cau bơtau hơ̆.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Mice 4:9

Tŭ do ñchi bơh tài mê driau dờng behơ̆ taih? Mê ngan ò gơs cau bơtau at bồ ơ? Ală cau bơyai broă mê dê neh chơt roh, bơta jê sồt gơrwàng mê kung be cau ùr jê deh sơl ơ?

Jang 19:15

Bol khai driau dờng lah: “Tơnroh tĕ khai, tơnroh tĕ khai! Pơng tĕ khai di chi pơng!” Pilat đơs mơ bol khai lah: “Añ rơp pơng bơtau bol mê di chi pơng ơ?” Ală cau gơnoar lam bồ ơn phan duh khoai ho lah: “Bol hi ò gơs bơtau ndai tai rlau mơ Sesa.”

I Samuel 12:25

Mơya dilah bol mê kư̆ lơh bơta iơh bơsak, gen bol mê rơp gơkòl tơnroh bal mơ bơtau at bồ bol mê dê.”