Sră Jop 11:8 - Sră Goh 2018

⁸ Gơ jơnhoa rlau mơ ală tap trồ, ñchi ồng rgơi lơh taih? Jrô rlau mơ lơgar làng ƀồc, mbe ồng rgơi git taih?

Sră Jop 11:8 Mawu Ofanana

Sră Jop 22:12

Yàng Tom Trồ ò di ơm tòm ală tiah jơnhoa hơđang trồ ò ơ? Sền gŏ ală sơmañ jơnhoa rlau jơh, bol gơ jơnhoa rlau jơh!

Amôs 9:2

Bulah bol khai tò jrô tòm tiah bơtô ƀồc, tềng hơ̆ tê Añ rơp tă tơlik bol khai; bulah bol khai hào guh tus hơđang trồ, Añ rơp cèng tơmù bol khai bơh tềng hơ̆.

Esai 55:9

“Bơh be ală tap trồ la jơnhoa rlau mơ plai ù kàr lơi, gen ală gùng dà Añ jê la jơnhoa rlau mơ ală gùng dà bol mê dê, mơ ală bơta kơlôi sơnơng Añ jê kung jơnhoa rlau mơ ală bơta kơlôi sơnơng bol mê dê kàr hơ̆ sơl.

Đơs Crih 148:13

Lòi bol khai jòng ro sơnđan Yàng Jehôwa, Bơh mìng sơnđan Kơnràñ dê geh yò tơngguh hơđang; Bơta gơklŏ Kơnràñ dê jơnhoa rlau mơ plai ù mơ ală tap trồ.

Sră Jop 35:5

Tơnggòr tĕ hơđang trồ mơ sền; sền sơwì tĕ ală puk mhwal, mhwal lơi jơnhoa rlau mơ ồng.

Sră Jop 26:6

Lơgar làng ƀồc ơm kuh di đap Yàng Tom Trồ, Mơ lơgar brah tìng ò gơs phan jơm gòm.

Đơs Crih 103:11

Bơh ală tap trồ la jơnhoa hơđang ù kàr lơi, Gen bơta kòñ gơboh kơ̆ dơn Kơnràñ dê kung dờng kàr hơ̆ sơl gơwèt mơ ală cau duh rngòt di Kơnràñ.

II Yal Yau 6:18

Mơya ngan la Yàng Tom Trồ rơp ơm tòm ù mơ kòn mơnus sơl ơ? Bulah ală tap trồ, mơ ală tap trồ jơnhoa rlau jơh ò rgơi nàng prap Kơnràñ, tơ ài lah hìu duh khoai dềt rlau jơh do mơ añ neh bơt!

Sră Jop 7:9

Kung be mhwal gơ par roh thit, behơ̆ cau mù tòm lơgar làng ƀồc kung ò rê wơl tai.

Sră Jop 11:9

Sơnoa rnoas gơ jòng rlau mơ plai ù, Mơ ơnàng rlau mơ dàlềng.

Sră Jop 37:23

Bơtau Gơnap Gơnoar Làm Jơh bol he ò rgơi jòi bàn, Kơnràñ la dờng tòm gơnap gơnoar mơ song ring, mơ bơta song ring tơngkah tơngkañ, Kơnràñ ò tìs glài.

Sră Jop 38:17

Ală mpồng dờng bơta chơt dê neh yal tơlik mê in sơl? Mê neh gŏ ală mpồng dờng bơta klam jơngo cik dê sơl?

Đơs Crih 36:6

Bơta song ring Kơnràñ dê la dờng be ală mơnơm, Ală bơta cahrña Kơnràñ dê la jrô be cìr jrô ngan. Ơ Yàng Jehôwa, Kơnràñ dong tă jơi kòn mơnus mơ phan poan jơng.

Jơnau Pơnđik 30:4

Ñcau neh guh hơđang trồ, lồc behơ̆ mù wơl taih? Ñcau neh tơrgòm càl tòm kơndồm tê he taih? Ñcau neh bơ̆ dà tòm ào he taih? Ñcau neh bơtào gơs ală nhàr plai ù taih? Ñchi sơnđan mat khai, mơ ñchi sơnđan mat kòn klau khai taih? Dilah mê git đơs tĕ.