Sră Age 2:14 - Sră Goh 2018

¹⁴ Gen Age đơs lah: “Yàng Jehôwa đơs lah: ‘Gơwèt hơ làng bol tòm lơgar do ơm di đap Añ kung behơ̆ sơl, mơ kung behơ̆ gơwèt mơ jơh ală broă tê bol khai lơh mơ phan lơi bol khai ơn gen kung gơlik ƀơ̆ ƀơl.’

Sră Age 2:14 Mawu Ofanana

Sră Pơyoa Pol Dê Pơyoa Tit In 1:15

Jơh ală bơta la sàng goh gơwèt mơ ală cau sàng goh, mơya ò gơs bơta lơi la sàng goh gơwèt mơ ală cau ƀơ̆ ƀơl mơ cau ò dòn; gơpơrlơ̆ wơl, nùs kơlôi mơ nùs tồr bol khai dê la ƀơ̆ ƀơl lơm.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 21:4

Muh mat pơnhừ, nùs jòng să, mơ ồs đèng cau iơh dê la tồi glài.

Sră Ôse 9:4

Bol khai rơp ò ơn phan duh khoai mơ tơrnòm ño Yàng Jehôwa in, ală phan ơn pơdơng bol khai dê rơp ò niam nùs Kơnràñ; ală phan ơn duh khoai hơ̆ rơp be la phan sa ală cau ñìm ƀồc; Jơh ală cau lơi sa gơ rơp gơlik ƀơ̆ ƀơl, piang lă bol khai dê rơp la phan sa lòi cau jơgloh bol khai in, gơ ò geh cèng tus hơ hìu Yàng Jehôwa dê.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.