Sơnròp Gơlik Gơs 36:6 - Sră Goh 2018

⁶ Esau lam ală bau, ală kòn klau, kòn ùr khai dê, jơh ală cau tòm hìu nhă, ală mpồl belàt, phan poan jơng khai dê mơ ală phan khai neh tơnggơs tòm lơgar Kanaan, lòt hơ lơgar ndai, ngài bơh Jakôp oh khai dê.

Sơnròp Gơlik Gơs 36:6 Mawu Ofanana

Sơnròp Gơlik Gơs 32:3

Jakôp sồr cau kong sồr lòt lài nàng tus hơ Esau bi khai, tòm kơnhwàl Seir lơgar Edôm dê.

Yal Tơlik 18:13

kơmhò kwĕ, kơmbuh tĕ biap, kơmbuh kơlhô, cài trŭ, kơlhô, tơrnòm, mơñà, kơmbuh kòi mi, kòi mi, kơnrồ, belàt, ơseh, rơndeh ơseh, dĭ gơna, hơ̆ la hwềng soàn cau.

Sơnròp Gơlik Gơs 28:4

Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

Sơnròp Gơlik Gơs 25:23

Yàng Jehôwa ho lah: “Bàr nơm lơgar ơm tòm kơndul ai, mơ bàr làng bol rơp lik bơh kơndul ai, làng bol do pràn rlau mơ làng bol ne, mơ cau bi rơp kong duh broă cau oh.”

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 13:11

Gen Lot sac rwah làm jơh ƀlàng Jordan dê mơ khai lòt hơ đah mattơngai lik. Behơ̆ bàr nă tòmcah is.

Sơnròp Gơlik Gơs 13:6

Ù hơ̆ ò tơl nàng bàr nă bol khai in ơm bal, bơh ală phan khai dê oă ngan gen tàng bol khai ơm bal ò diơng.

Sơnròp Gơlik Gơs 12:5

Abram lam Sarai, bau khai, Lot, kòn cau oh khai mơ jơh ală phan mơna khai neh pơjum, mơ ală dĭ gơna khai neh geh tòm Caran, lik bơh hơ̆ nàng lòt tus hơ lơgar Kanaan.

Ejekiel 27:13

Ală làng bol Jaban, Tubal mơ Mesek kă bro mơ mê, bol khai tòmpơrgơl mơ mê kòn mơnus mơ ală gri lơh mơ kòng nàng geh ală phan kă bro mê dê.

Sơnròp Gơlik Gơs 36:5

mơ Ôhôlibama deh Jeus, Jalam mơ Kôra. Hơ̆ la ală kòn klau Esau dê, deh tòm lơgar Kanaan.