Sơnròp Gơlik Gơs 24:3 - Sră Goh 2018

³ mơ añ rơp sồr mê ai sơnđan Yàng Jehôwa la Yàng trồ mơ tiah dê mơ ho bal lah mê ò jòi bau kòn klau añ in tòm ală cau ơruh làng bol Kanaan dê, hơ̆ la làng bol mơ bol he ơm ing nàng tòmbau mơ kòn klau añ,

Sơnròp Gơlik Gơs 24:3 Mawu Ofanana

Sơnròp Gơlik Gơs 14:19

Khai ai lơngai Abram in mơ đơs lah: “Dan Yàng Tom Trồ Hơđang Rlau Jơh, la Bơtau crơng gơs trồ mơ tiah, ai lơngai Abram in!

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Sơnròp Gơlik Gơs 21:23

Behơ̆ tŭ do, ai tĕ sơnđan Yàng Tom Trồ mơ ho bal lah mê rơp ò gàt añ, kòn añ mơ sau añ. Mơya mê rơp lơh niam mơ añ bal mơ lơgar mê ơm ing be añ neh lơh mê in.”

Sơnròp Gơlik Gơs 24:7

Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 27:46

Rebeka đơs mơ Isak lah: “Añ neh bòl glar, ò bài kis tai, bơh ală kòn ùr cau Het dê. Dilah Jakôp kòñ bau mơ dô nă tòm ală kòn ùr cau Het dê, hơ̆ la dô nă cau ùr tòm lơgar be ală cau do, gen mbe añ kòñ kis tai taih?”

Sơnròp Gơlik Gơs 28:1

Isak hòi Jakôp, ai lơngai khai in mơ sồr lah: “Mê bañ sac rwah dô nă cau ùr lơi tòm ală cau ơruh Kanaan nàng bau.

Sơnròp Gơlik Gơs 28:8

gen Esau git lah ală cau ơruh Kanaan dê ò niam nùs Isak bèp khai,

Sơnròp Gơlik Gơs 34:9

Tòmbau tĕ nàng gơs gơp bơtiàn bal, ală ồng ai ală cau ơruh bol hi in, gen ală ồng bau mơ ală cau ơruh bol hi dê.

Sơnròp Gơlik Gơs 38:2

Tềng hơ̆ Juda gŏ kòn ùr dô nă cau Kanaan sơnđan la Sua gen bau mơ khai mơ ơm bal mơ khai.

Sơnròp Gơlik Gơs 47:31

Jakôp đơs lah: “Mê srat să tĕ,” gen Jôsep ho pơgon. Chòp Israel tơmbic să di bồ cơnòng bic khai dê.

Sơnròp Gơlik Gơs 50:25

Jôsep sồr ală kòn klau Israel ho pơgon lah: “Di ngan, Yàng Tom Trồ rơp tus còp ală oh mi. Dan ală oh mi cèng tĕ ntìng añ bơh di lơgar do.”

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

Sơnròp Gơlik Gơs 6:4

Rài hơ̆ mơ rài tơnơ̆, gơs cau dờng jơnhoa hơđang ù tài bơh kòn klau Yàng Tom Trồ dê ơm bal mơ kòn ùr kòn mơnus mơ deh kòn; hơ̆ la ală cau pràn kơldang tòm rài yau, cau gơs tiơng pơnro.

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

II Yal Yau 2:12

Mơ Hiram cih bơtơl lah: “Pal jòng ro Jehôwa Yàng Tom Trồ Israel dê la Bơtau neh crơng gơs trồ mơ tiah! Kơnràñ neh ai bơtau Dabit in dô nă kòn klau jak chài, ai khai in bơta git jak mơ bơta git sền sơwì, la cau rơp bơt dô nơm hìu duh khoai Yàng Jehôwa in mơ dô nơm gơlang să tòm khai in.

Ejra 5:11

Do la jơnau bol khai ho wơl bol hi in: ‘Bol hi la ală cau duh broă Yàng Tom Trồ, hơđang trồ mơ tiah dê, mơ bol hi ơm bơt wơl hìu duh khoai neh geh bơt jŏ sơnam lài òr, la hìu duh khoai mơ dô nă cau bơtau dờng Israel dê neh bơt bơtào mơ lơh sir.

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Đơs Crih 115:15

Dan Yàng Jehôwa la Bơtau crơng gơs trồ tiah, ai lơngai lơngò mê in!

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Lik Ejiptơ 20:7

Bol mê bañ ngui sơnđan Jehôwa Yàng Tom Trồ bol mê dê dô bă ò di pal, bơh Yàng Jehôwa rơp ò toh glài cau lơi in ngui sơnđan Kơnràñ dê dô bă ò di pal.

Lik Ejiptơ 22:11

gen digùl bol khai rgơi pơnring bơh bơta srat să di đap Yàng Jehôwa lah cau sền gàr phan poan jơng ò gŏ ơn tê hơđang phan mơna cau ndai dê. Cau tòm phan poan jơng pal dòp jơnau srat să hơ̆, mơ ò càng gơs bơta tơm wơl.

Lik Ejiptơ 23:13

Kơrhia tĕ lơh jat jơh ală bơta Añ neh đơs mơ mê. Bañ hòi dan mơ ală yàng ndai; bañ ai cau kơno ală sơnđan hơ̆ bơh di bơr bol mê dê.

Lik Ejiptơ 34:16

Mơ tòm tŭ bol mê sac rwah dô êt nă kòn ùr bol khai dê lơh gơs bau ală kòn klau bol mê in, mơ ală kòn ùr hơ̆ să tòm bol khai tòmtir mơ ală yàng bol khai dê, bol khai lam ală kòn klau bol mê dê lơh jat kung be bol khai.

Esai 45:23

Añ neh ai să tòm Añ mơ srat să, bơr Añ neh đơs tòm bơta song ring, dô jơnau rơp ò tŭ lơi rê wơl: Di đap Añ jơh ală gơltang rơp cùn, kòp nơm lơmpiat rơp srat să ho nền.

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Esai 65:16

Cau lơi hòi dan dô bơta lơngai tòm lơgar gen rơp ai lơngai bơh Yàng Tom Trồ bơta dòn song dê; cau lơi srat să ho nền tòm lơgar gen rơp srat să bơh Yàng Tom Trồ bơta dòn song dê. Bơh ală bơta bòl glar kalke lài òr neh hŭi jơh mơ neh pồn ndơp bơh di mat Añ.

Jeremi 10:11

Bol mê pal đơs mơ bol khai lah: ‘Ală yàng ò rgơi crơng ală trồ mơ ù tiah, rơp kong tơnroh thit bơh di ù tiah hơđơm ală tap trồ.’

Jeremi 12:16

Dilah bol khai ngac ngar bơtê gùng dà làng bol Añ jê, ai sơnđan Añ mơ srat să lah: ‘Ngan kung be Yàng Jehôwa kis gam sùm sùm!’ Kung be bol khai neh bơto làng bol Añ sơnio Baal mơ srat să, gen bol khai rơp geh bơt bơtào digùl làng bol Añ.

Jeremi 29:6

jòi tĕ bau ùr, tơnggơs kòn klau mơ kòn ùr; jòi tĕ bau ùr kòn klau in, mơ lap klau kòn ùr in, tồ bol khai in tơnggơs kòn klau mơ kòn ùr. Khà bol mê pal bơtơl oă tềng hơ̆ bañ lòi gơhuc wơl.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Lebi 19:12

Bañ ai sơnđan Añ nàng srat să blac mơ lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Khà Làng Bol 5:21

(lòi cau gơnoar hwơr hơ̆ kup cau ùr hơ̆ pal srat sơntơm să) mơ đơs mơ cau ùr hơ̆ lah: “Dan Yàng Jehôwa lơh làng bol ai dê srat sơntơm mơ lơh nền glài ai, Yàng Jehôwa lơh hìu kòn ai gơrung ồm mơ kơndul ai dê as pŭ.

I Kôrintô 7:39

Bau klau gam kis kàr lơi, gen bau ùr kòl kơt mơ khai kàr hơ̆ sơl; mơya dilah bau klau chơt, gen bau ùr geh khat gơboh nàng jòi bau jat nùs kòñ, mìng khai la cau dòn Yàng.

Yal Wơl 10:20

Duh rngòt tĕ Jehôwa Yàng Tom Trồ bol mê dê mơ duh broă Kơnràñ. Đềt mềr tĕ mơ Kơnràñ mơ srat să tòm sơnđan Kơnràñ dê.

Yal Wơl 6:13

Rngòt tĕ di Jehôwa Yàng Tom Trồ bol mê dê, duh broă mìng dô nă Kơnràñ lơm mơ ai sơnđan Kơnràñ dê srat să ho pơgon.

Hebrơ 6:16

Bơh cau òs ai sơnđan cau dờng rlau mơ he nàng srat să, mơ tŭ lơi gơs bơta tòm pơndang gen ai jơnau srat să nàng pơnring.

Jôsue 2:12

Behơ̆ tŭ do, bơh añ neh gơwèt niam mơ bàr nă ồng gen dan bàr nă ồng ai sơnđan Yàng Jehôwa mơ srat să ho nền mơ añ lah ală ồng kung rơp gơwèt niam wơl mơ hìu nhă añ. Dan ai añ in dô nơm tềl bơh bơta dòn song

Ală Kwang Cahrña 14:3

Mè bèp khai ho lah: “Digùl jơi bơtiàn mê dê hala digùl jơh làng bol bol he dê ò gơs dô nă cau ùr lơi, tàng mê pal lòt bau mơ dô nă cau làng bol Philistin ò kong siat gơltau ne ơ?” Mơya Samsôn đơs mơ bèp khai lah: “Dan lùp cau ùr hơ̆ añ in; khai niam nùs añ ngan.”

I Samuel 20:17

Jônathan sồr Dabit lơh nền dô dơ̆ tai jơnau ho bal khai dê tòm bơta kòñ gơboh di khai, tài bơh khai kòñ gơboh di Dabit be să tòm he.

I Samuel 30:15

Dabit lùp khai lah: “Mê rgơi lam añ tus hơ mpồl brồ lơh hơ̆ sơl?” Khai ho lah: “Srat să tĕ mơ añ di đap Yàng Tom Trồ la ală ồng ò tơnchơt añ hala jào añ tòm tê cau tòm añ, gen añ rơp lam ồng tus hơ mpồl hơ̆.”