Sơnròp Gơlik Gơs 2:2 - Sră Goh 2018

² Ngai poh Yàng Tom Trồ neh lơh sir ală broă Kơnràñ neh lơh, mơ ngai poh Kơnràñ rlô.

Sơnròp Gơlik Gơs 2:2 Mawu Ofanana

Sơnròp Gơlik Gơs 1:31

Yàng Tom Trồ gŏ ală broă Kơnràñ neh lơh la niam ngan. Behơ̆ gơs mho mơ drim: hơ̆ la ngai prau.

Sơnròp Gơlik Gơs 2:3

Kơnràñ ai lơngai lơngò ngai poh in, mơ sơnđan la ngai sàng goh, tài bơh tòm ngai hơ̆ Kơnràñ rlô bơh dê ală broă Kơnràñ neh crơng gơs mơ neh lơh gơs rau.

Lik Ejiptơ 23:12

Lơh tĕ broă bol mê dê tòm prau ngai, mơya tòm ngai poh gen bañ lơh broă, tồ kơnrồ mơ alàng bol mê dê geh rlô, mơ cau dĭ deh tòm hìu mê dê bal mơ cau làng bơdìh rgơi geh bơtơl pràn wơl.

Lik Ejiptơ 31:15

Cau pal lơh sir broă he dê tòm prau ngai, mơya ngai poh la ngai Saƀat ơm rlô, ơn is sàng goh Yàng Jehôwa in. Tòm ngai Saƀat dilah cau lơi lơh dô nơm broă lơi gen rơp kong lơh glài tơnchơt.

Lik Ejiptơ 31:17

Hơ̆ rơp la dô nơm tềl gam sùm digùl Añ mơ làng bol Israel in, bơh Yàng Jehôwa neh crơng gơs ală tap trồ mơ tiah tòm prau ngai, mơ tòm ngai poh Kơnràñ ò lơh broă mơ ơm rlô.’”

Esai 58:13

Dilah bol mê prap gàr jơng bol mê dê nàng ò lơh tìs ngai Saƀat, bơh ting jat nùs bol mê kòñ tòm ngai sàng goh Añ jê; dilah bol mê sơnđan ngai Saƀat la ngai bol mê niam nùs, mơ ngai sàng goh Yàng Jehôwa dê la pal ki ngàm; mơ dilah mê ki ngàm di ngai hơ̆ mơ ò lòt tòm gùng is bol mê dê, mơ ò lơh jat nùs bol mê kòñ, hala đơs ală jơnau ò kwơ;

Jang 5:17

Mơya Yàng Jesu ho bol khai lah: “Bèp Añ lơh broă tus di tŭ do, mơ Añ kung lơh broă behơ̆ sơl.”

Yal Wơl 5:14

mơya ngai poh la ngai Saƀat Jehôwa Yàng Tom Trồ bol mê dê. Tòm ngai hơ̆ bol mê ò di lơh broă lơi, bol mê, kòn klau hala kòn ùr bol mê dê, cau klau duh broă hala cau ùr duh broă bol mê dê, kơnrồ, alàng hala phan poan jơng lơi ndai bol mê dê, hala cau nac crih tòm hìu bol mê dê, nàng cau klau duh broă mơ cau ùr duh broă bol mê dê rgơi ơm rlô kung be bol mê.

Hebrơ 4:10

Bơh cau lơi neh mut tòm bơta rlô Kơnràñ dê, gen rlô ală broă he dê, kung be Yàng Tom Trồ neh rlô ală broă Kơnràñ dê sơl.

Hebrơ 4:4

Đơs bơh ngai poh gen gơs tiah Kơnràñ đơs be do: “Ngai poh Yàng Tom Trồ rlô jơh ală broă Kơnràñ dê.”