Sơnròp Gơlik Gơs 11:6 - Sră Goh 2018

⁶ Yàng Jehôwa đơs lah: “Do, bol khai gơs mìng dô làng bol, mơ tơl nă gơs dô jơnau đơs bal mơ ne broă bol khai rơp lơh, tŭ do ò gơs bơta lơi kơryan bol khai lơh gơs ală bơta bol khai neh kơlôi nền.

Sơnròp Gơlik Gơs 11:6 Mawu Ofanana

Sơnròp Gơlik Gơs 11:1

Tŭ hơ̆ jơh lơgar dunnia gơs dô jơnau đơs bal mơ ngui bal dô jơnau đơs.

Sơnròp Gơlik Gơs 3:22

Jehôwa Yàng Tom Trồ đơs lah: “Do, bơh bơta git cah is bơta niam mơ bơta iơh, jơi kòn mơnus neh gơlik gơs be He. Behơ̆, tŭ do Bol He ò ai gơnoar jơi kòn mơnus in pò tê hơđang mơ pic plai chi bơta kis mơ sa gen geh kis sùm sùm mòn!”

Sơnròp Gơlik Gơs 6:5

Yàng Jehôwa gŏ bơta iơh bơsak kòn mơnus dê tòm ù la oă ngan, mơ ală bơta kơlôi sơnơng tòm nùs cau dê mìng la iơh sùm lơm.

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Sơnròp Gơlik Gơs 9:19

Ală cau hơ̆ la pe nă kòn klau Nôe dê, mơ bơh bol khai mơ gơs kòn mơnus lam tòm ù.

I Ală Bơtau 18:27

Tus di nggùl ngai, Eli dơñŏ tơnhial bol khai lah: “Driau nggà dờng tĕ, bơh khai la hwềng: digơlan khai ơm kơlôi sơnơng; digơlan gam ơm tiah ngài, digơlan gam lòt gùng; hala digơlan khai ơm bic, mơ rơp guh.”

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Amôs 4:7

“Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Luka 1:51

Kơnràñ neh ai tê Kơnràñ mơ lơh gơs bơta pràn kơldang, lơh gơprah gơpring cau gơs nùs kơlôi pơnhừ să,

Broă 17:26

Bơh di dô nă cau Kơnràñ neh lơh gơlik gơs ală làng bol, mơ lơh bol khai in ơm kis làm jơh hơđang ù, Kơnràñ lơh nền pah tŭ tơngai mơ nhàr tiah bol khai in ơm,

Ală Kwang Cahrña 10:14

Lòt tĕ rac dan mơ ală yàng bol mê neh sac rwah; lòi bol gơ dong tă bol mê tòm tŭ gơs bơta bòl glar kalke.”