8 Gen gơs jơnau Yàng Jehôwa đơs mơ añ tai lah:
Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”
“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.
Ală cau ơm ngài rơp tus mơ dong kòl tòm bơta bơt bơtào hìu duh khoai Yàng Jehôwa dê: mơ bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê. Bơta hơ̆ rơp gơlik tus dilah bol mê ngac ngar dòn bơr lơh jat jơnau Jehôwa Yàng Tom Trồ bol mê dê.
