Sacari 1:7 - Sră Goh 2018

⁷ Tòm ngai bàr jơt poan kơnhai jơt dùl, la kơnhai Sebat, tòm nam dơ̆ bàr rài at bồ bơtau Darius dê, gơs jơnau Yàng Jehôwa đơs mơ cau gơnoar hwơr Sacari, kòn klau Beraci, sau Idô, mơ Sacari đơs lah:

Sacari 1:7 Mawu Ofanana

Sacari 1:1

Tòm kơnhai phàm nam dơ̆ bàr rài at bồ bơtau Darius dê, gơs jơnau Yàng Jehôwa đơs mơ cau gơnoar hwơr Sacari, kòn klau Beraci, sau Idô dê lah:

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Sacari 1:8

Tòm trồ mang añ neh gơs dô bơta gơtơnggŏ, añ gŏ di đap añ gơs dô nă cau hào ơseh pơrhê! Khai ơm ntào digùl ală tòm chi bơñàng tòm dô nơm thòng. Bơh ngkòi khai gơs ală ơseh pơrhê, ơseh gur, mơ ơseh kò.

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.