Rutơ 4:6 - Sră Goh 2018

⁶ Kơno behơ̆ gen cau tòm gơp bơtiàn gơs gơnoar tơwài wơl đơs lah: “Behơ̆ añ ò rgơi tơwài wơl gơ, tài bơh digơlan añ rơp lơh roh gơcoh sre brê añ jê. Să tòm bi tơwài wơl tĕ, añ ò rgơi tơwài gơ ò.”

Rutơ 4:6 Mawu Ofanana

Sơnròp Gơlik Gơs 38:8

Gen Juda sồr Ônan lah: “Mê lòt bic tĕ mơ bau bi mê, lơh wil tơl broă tòm dô nă oh bau klau khai dê, nàng tơrbŏ jơi bơtiàn bi mê dê.”

Lebi 25:25

Dilah dô nă tòm ală cau lơgar tòm bol mê dê gơlik rƀah lơòi mơ tac dô pơnah sre brê khai dê, gen cau gơp bơtiàn rềp rlau jơh pal tus mơ tơwài wơl pơnah cau lơgar tòm khai dê neh tac.

Yal Wơl 25:7

Bulah behơ̆, dilah dô nă cau klau ò bài bau mơ bau ùr bi khai dê gen cau ùr hơ̆ rơp lòt tus hơ ală cau kwang kra ơm di mpồng ƀòn dờng mơ đơs lah: “Cau oh bau klau añ jê ò bài tơrbŏ sơnđan cau bi khai dê tòm Israel. Khai rơp ò lơh gơlik gơs wil tơl broă tòm dô nă cau oh mi bau klau añ jê gơwèt mơ añ.”

Yal Wơl 25:8

Gen ală cau kwang kra ƀòn dờng khai dê hòi khai tus mơ tòmbơhbơr mơ khai. Dilah khai kư̆ kơ̆ nùs mơ đơs lah; “Añ ò bài bau mơ ùr hơ̆,”

Yal Wơl 25:9

gen cau ùr bơnrau bi khai dê rơp lòt tus di đap khai, hồ dô nơm gơltau jă khai dê, choh dà diau di mat khai mơ đơs lah: “Do la bơta neh lơh di dô nă cau klau ò bài bơt bơtào mpồl hìu nhă oh mi khai dê.”

Rutơ 2:20

Gen Naômi đơs mơ ƀan khai dê lah: “Dan Yàng Jehôwa ai lơngai khai in! Kơnràñ ò sang lòi mơ ai bơta nđàc cau kis mơ cau chơt in sơl.” Khai đơs bơtơl tai lah: “Cau hơ̆ la gơp bơtiàn rềp he dê, dô nă cau gơp bơtiàn rềp rlau jơh bol he dê.”

Rutơ 3:13

Ơm tĕ tềng do mang do, tus diàng drim hìng, dilah cau hơ̆ kòñ dong tơwài gen niam, lòi khai lơh bơta hơ̆, dilah khai ò bài lơh be dô nă cau tơwài wơl ai in, gen kung be Yàng Jehôwa gam kis sùm lah añ rơp lơh bơta hơ̆ be dô nă cau tơwài wơl ai in. Ơm bic tĕ jơl tus àng hìng.”

Rutơ 3:9

Bôô lùp lah: “Ñcau hơ̆ taih?” Rutơ ho lah: “Añ la Rutơ, cau dĭ ồng dê. Dan ồng tơntơ̆ ào bơdìh ồng dê hơđang dĭ gơna ồng, bơh ồng la cau gơp bơtiàn rềp añ jê.”