Rutơ 4:10 - Sră Goh 2018

¹⁰ Mơ añ kung dòp Rutơ cau Môap, cau ùr bơnrau Mahlôn dê, lơh gơs bau añ, nàng tơrbŏ sơnđan cau chơt dê bal mơ sre brê khai dê, nàng sơnđan khai dê ò roh bơh digùl hìu nhă khai dê hala bơh dê sră cih sơnđan mat cau tòm ƀòn dờng dê. Ngai do ală ồng la cau lơh cơng.”

Rutơ 4:10 Mawu Ofanana

Sơnròp Gơlik Gơs 29:27

Ơm tĕ bal mơ cau do tơl dô poh, gen añ rơp ai mê in cau ne nàng bau tai, mơ bơh cau ne mê pal lơh broă añ in bơtơl poh nam tai.”

Sơnròp Gơlik Gơs 38:9

Ônan git lah jơi bơtiàn do ò di bal mơ khai, gen tòm tŭ khai bic mơ Tamar, gen khai tuh gơtòm ù nàng ò gơs jơi bơtiàn bi khai in.

Đơs Crih 109:15

Lòi ală glài hơ̆ gam ơm sùm di đap Yàng Jehôwa, Mơ bơta kir yau khai dê kòl sang tơlik bơh di ù!

Đơs Crih 34:16

Muh mat Yàng Jehôwa dê gơtòmsò mơ cau lơh iơh, Nàng tơnroh bơta kir yau bol khai dê bơh ù.

Jơnau Pơnđik 18:22

Cau lơi jòi geh dô nă bau ùr, hơ̆ la jòi bàn dô bơta lơngai, Mơ dòp geh bơta nđàc Yàng Jehôwa dê.

Jơnau Pơnđik 19:14

Hìu tum mơ phan mơna la sre brê ồng pàng lòi wơl; ai dô nă bau ùr jak chài bơh Yàng Jehôwa mơ tus.

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Sră Ôse 12:12

Galaat bềng lìu bơta tồi glài, ngan bol khai rơp gơlik ò kwơ! Bol khai ơn ală kơnrồ dam tòm Gilgal. Ală cơnòng duh khoai bol khai dê ò gơkrơi be ală gơnru lŭ tòm gùng lơòr tòm ƀlàng sre.

Sră Ôse 3:2

Behơ̆, añ neh blơi wơl khai mơ jơt pram pet priă mơ dô ôme nggùl kòi mac.

Sacari 13:2

Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, Añ rơp tă sang sơnđan ală rùp ràk bơh di lơgar, cau rơp ò tai kah bol gơ. Añ rơp tă tơlik ală cau gơnoar hwơr mơ hwềng bơta ƀơ̆ ƀơl bơh di lơgar.

Malaci 2:14

Bol mê lùp lah: “Ñchi bơh tài behơ̆ taih?” Hơ̆ la tài bơh Yàng Jehôwa gơs kung be cau lơh cơng digùl mê mơ bau ùr mê neh bau bơh tŭ mê gam pơnu, bơh mê ò dòn song mơ khai, bulah khai la cau bơyô mê dê, la bau ùr bơta ho bal mê dê.

Ephesô 5:25

Ơ cau la bau klau, kòñ gơboh tĕ di bau ùr mê dê, kung be Bơtau Krist neh kòñ gơboh di Hìu Jum Goh, mơ phi să tòm Kơnràñ bơh Hìu Jum Goh,

Yal Wơl 25:6

Kòn klau tơnhoa khai deh rơp tơrbŏ sơnđan cau bi neh chơt khai dê, tồ sơnđan khai dê rơp ò gơkòl jùt bơh di Israel.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”

Rutơ 4:9

Gen Bôô yal tơnggit mơ ală cau kwang kra bal mơ jơh làng bol lah: “Ngai do ală ồng la cau lơh cơng lah añ neh blơi bơh di Naômi jơh sre brê Elimelek dê mơ jơh sre brê Kilaiôn mơ Mahlôn dê.