Rutơ 3:7 - Sră Goh 2018

⁷ Tòm tŭ Bôô neh sir sa mơ hùc rau, mơ gơs nùs chò hòp, khai lòt bic di jơng ƀut kòi. Rutơ tus òm mơ pò ồi tơ̆ di jơng Bôô mơ bic tềng hơ̆.

Rutơ 3:7 Mawu Ofanana

Sơnròp Gơlik Gơs 43:34

Jôsep sồr cèng ală phan sa bơh di đap khai ai ală oh mi in, mơya pơnah đah Benjamin gen pram dơ̆ rlau mơ phan ală cau ndai dê. Bol khai ñô sa bơkah bơnga mơ chò hòp bal mơ Jôsep.

II Samuel 13:28

Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

I Ală Bơtau 21:7

Bau bơtau la Jesebel đơs lah: “Ò di bơtau gơs gơnoar at bồ hơđang Israel ơ? Guh tĕ, sa mơ chò hòp tĕ. Añ rơp ai bơtau in suơn ño Nabôt cau Jejreel.”

Este 1:10

Tòm ngai dơ̆ poh, tòm tŭ bơtau neh hòn chò bơh tơrnòm, gen bơtau sồr Mehuman, Bistha, Harbôna, Biktha, Abaktha, Jethar mơ Karkas la poh nă cau kwang kriau la ală cau ơm di đap bơtau,

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Cau Bơto 10:19

Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

Ephesô 5:18

Bañ bơñul ñô, bơh bơta hơ̆ la bung jang, mơya bềng lìu tĕ Yàng Hwềng.

Ală Kwang Cahrña 16:25

Tòm tŭ nùs bol khai hòn chò ngan ò git lơh, gen bol khai driau dờng lah: “Cèng tĕ Samsôn nàng khai lơh bơta kơnhơl bol he in.” Behơ̆ bol khai cèng tơlik Samsôn bơh dê hìu jàm nàng khai lơh bơta kơnhơl bol khai in. Cau lòi khai ntào digùl ală jrong hìu duh khoai;

Ală Kwang Cahrña 19:22

Tòm tŭ bol khai gơs bơta chò hòp bal, gen gơs ală cau klau iơh bơsak tòm ƀòn dờng tus gơrwàng gùt dar hìu. Bol khai tur di mpồng mơ đơs dờng mơ ồng kra cau tòm hìu lah: “Cèng tơlik tĕ cau klau neh mut tòm hìu mê dê nàng bol hi bic mơ khai.”

Ală Kwang Cahrña 19:6

Behơ̆ bàr nă bol khai nggui ñô sa bal; gen bèp cau ùr hơ̆ đơs lah: “Dan ơm wơl tĕ tòm mang do mơ lơh tĕ chò hòp să tòm mê in.”

Ală Kwang Cahrña 19:9

Gen tòm tŭ cau Lebi bal mơ bau cồng mơ cau duh broă khai dê ñă ntào nàng lòt, gen po bèp khai dê, hơ̆ la bèp cau ùr hơ̆ dê, đơs mơ khai lah: “Sền ne, trồ neh mho rau. Dan ơm wơl mang do; trồ ngai neh mòr jơh. Ơm wơl mơ lơh nùs mê geh hòn chò. Rìng àng drim hìng bol mê guh gòñ nàng lòt gùng rê hìu.”

Rutơ 3:6

Behơ̆ khai mù tus hơ làn jă kòi mơ lơh jat ală bơta po me sồr khai lơh.

Rutơ 3:8

Tòm gùl mơnang Bôô nrơt mơ pơrlơ̆ să: Khai gŏ gơs dô nă cau ùr bic di jơng khai dê.