Rutơ 2:4 - Sră Goh 2018

⁴ Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”

Rutơ 2:4 Mawu Ofanana

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

I Yal Yau 2:51

Salma tơnggơs Betlehem, mơ Harep tơnggơs Betgader.

Đơs Crih 118:26

Lơngai cau lơi in ai sơnđan Yàng Jehôwa mơ mut! Bơh di hìu Yàng Jehôwa bol hi ai lơngai mê in.

Đơs Crih 134:3

Dan Yàng Jehôwa, la Bơtau crơng gơs trồ mơ tiah Bơh Siôn ai lơngai lơngò mê in.

Jeremi 31:23

Yàng Jehôwa Gơnap Gơnoar Dờng Làm Jơh la Yàng Tom Trồ Israel dê đơs be do: “Tòm tŭ añ cèng bol khai rê wơl bơh di tiah kong kup cèng pơrdô gen làng bol tòm lơgar Juda mơ tòm ală ƀòn dờng gơ dê rơp dô dơ̆ tai đơs ală jơnau do: ‘Dan Yàng Jehôwa ai lơngai mê in, Ơ tiah ơm bơta song ring, ơ mơnơm sàng goh.’

Khà Làng Bol 6:24

Dan Yàng Jehôwa ai lơngai mê in mơ sền gàr mê;

Luka 1:28

Cau gơnrơh mut đơs mơ khai lah: “Ơ cau geh bơta nđàc dờng, lơngai ai in. Yàng ơm bal mơ ai.”

II Tesalônika 3:16

Dan să tòm Yàng la Bơtau ai bơta lơngap lơngai sùm sùm tòm jơh ală bơta. Dan Yàng ơm bal mơ jơh tơl nă oh mi.

I Timôthe 6:2

Cau lơi gơs cau tòm la cau dòn jat, gen ò di ai kai bơh la oh mi mơ sền òsơp di khai; mơya pal sơlo duh broă lin rlau tai, bơh cau dòp geh tơngai broă he dê la cau dòn jat mơ la cau he kòñ gơboh. Hơ̆ la ală bơta mê pal bơto sồr mơ bơto tơngkah.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

Ală Kwang Cahrña 6:12

Cau gơnrơh Yàng Jehôwa dê tơlik mat mơ khai, mơ đơs lah: “Ơ cau ling jak pràn kơldang, Yàng Jehôwa ơm bal mơ mê.”

Ală Kwang Cahrña 6:16

Yàng Jehôwa ho wơl mơ khai lah: “Añ rơp ơm bal mơ mê, mơ mê rơp lơh alah jơh ală cau Midian.”

Rutơ 2:3

Behơ̆ khai lòt mơ khai neh tus dòñ kòi tòm ƀlàng sre, jat bơh ngkòi ală cau toès. Tŭ hơ̆ khai dòñ kòi tòm sre gơrê bal mơ Bôô, tòm mpồl hìu nhă Elimelek dê.

Rutơ 2:5

Gen Bôô lùp cau at bồ cau toès lah: “Cau ơruh hơ̆ la gơrê bal mơ ñcau taih?”

Rutơ 4:11

Gen jơh ală cau kwang kra mơ jơh làng bol ơm di mpồng dờng đơs lah: “Bol hi la cau lơh cơng. Dan Yàng Jehôwa lơh cau ùr rơp mut tòm hìu mê gơlik gơs kung be Racel mơ Lea la bàr nă cau neh bơtào hìu Israel. Dan mê in geh jòng ro tòm Ephrata mơ geh tiơng pơnro tòm Betlehem.

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”