Rutơ 2:3 - Sră Goh 2018

³ Behơ̆ khai lòt mơ khai neh tus dòñ kòi tòm ƀlàng sre, jat bơh ngkòi ală cau toès. Tŭ hơ̆ khai dòñ kòi tòm sre gơrê bal mơ Bôô, tòm mpồl hìu nhă Elimelek dê.

Rutơ 2:3 Mawu Ofanana

II Samuel 1:6

Cau pơnu ho lah: “Tòm tŭ añ ơm hơđang mơnơm Gilbôa, tŭ hơ̆ añ gŏ Sol sơnđìng să khai di ngkơr tà khai dê, gơs ală rơndeh lòs tòmlơh mơ ală cau ling hào ơseh ting jat mòr bàn khai.

II Samuel 20:1

Tŭ hơ̆ gơs dô nă cau ală alai sơnđan la Seba, kòn klau Bikri, cau Benjamin. Khai uh kơlwòk mơ hòi driau dờng lah: “Bol he ò gơs pơnah lơi mơ Dabit, kung ò gơs phan lơi mơ kòn klau Jese. Ơ Israel, jơh tơl nă rê wơl tĕ hơ sàl he dê!”

II Ală Bơtau 8:5

Tòm tŭ khai ơm yal bơtau in mbe lơi Elise neh hòi dô nă cau chơt kis wơl, cau ùr la mè kòn klau mơ Elise neh hòi kis wơl, tus dan mơ bơtau ai wơl hìu mơ ù tiah khai dê. Gehaji đơs lah: “Ơ bơtau cau tòm añ! Do la cau ùr hơ̆, mơ do la kòn klau khai mơ Elise neh hòi kis wơl.”

Mathiơ 10:29

Bàr nơm rac ò di òs tac dô su ơ? Bulah behơ̆, ò gơs dô nơm lơi rung tòm ù dilah ò bơh nùs kòñ Bèp bol mê dê.

Luka 10:31

Gơs dô nă cau gơnoar ơn phan duh khoai kung lòt tòm gùng hơ̆, gŏ cau hơ̆ gen pleh đah ne mơ lòt gan.

II Tesalônika 3:12

Bol hi ai sơnđan Yàng Jesu Krist nting sồr mơ bơto tơngkah ală cau hơ̆ pal ơm mŏ mŏ mơ lơh broă, mơ sa piang tê tòm he lơh.

Rutơ 2:2

Rutơ cau Môap đơs mơ Naômi lah: “Dan ai añ in lòt tòm sre nàng dòñ ală sơnyùr kòi, bơh ngkòi cau lơi gơs nùs nđàc di añ.” Naômi đơs mơ khai lah: “Lòt tĕ! Ơ kòn ùr añ jê.”

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”