Rutơ 1:8 - Sră Goh 2018

⁸ Mơya Naômi đơs mơ bàr nă ƀan khai dê lah: “Bol ai rê tĕ hơ hìu mè bol ai dê, dan Yàng Jehôwa yal tơlik bơta nđàc gơwèt mơ bol ai kung be bol ai neh gơwèt mơ cau chơt mơ gơwèt añ sơl.

Rutơ 1:8 Mawu Ofanana

II Samuel 2:6

Tŭ do dan Yàng Jehôwa yal tơlik bol mê in bơta kòñ gơboh kơ̆ dơn mơ bơta dòn song Kơnràñ dê, mơ añ kung rơp ràng tơlik ală bơta niam gơwèt hơ bol mê tài bơh bol mê neh lơh bơta hơ̆.

Ephesô 5:22

Ơ cau la bau ùr, dòn duh tĕ bau klau ai dê, kung be gơwèt mơ Yàng.

Kôlôse 3:18

Ơ cau la bau ùr, dòn duh tĕ bau klau ai dê, bơta hơ̆ la di pal tòm Yàng.

Kôlôse 3:24

Bơh git lah oh mi rơp bơh Yàng mơ dòp sre brê lơh gơs phan ƀàn, tài bơh oh mi kung duh broă Yàng Krist sơl.

Rutơ 1:5

gen jơh bàr nă Maklôn mơ Kilaiôn kung chơt, behơ̆ lòi wơl Naômi ò gơs bàr nă kòn klau mơ kung ò gơs bau klau sơl.

Rutơ 1:7

Behơ̆ khai lik bơh tiah khai neh ơm, khai bal mơ bàr nă ƀan khai dê lòt gùng rê hơ lơgar Juda.

Rutơ 1:9

Dan Yàng Jehôwa ai bol ai in geh bơta ring lơngai tòm hìu bau klau bol ai dê.” Lồc behơ̆ Naômi cum bàr nă bol khai mơ bol khai ñìm dờng.

Rutơ 2:20

Gen Naômi đơs mơ ƀan khai dê lah: “Dan Yàng Jehôwa ai lơngai khai in! Kơnràñ ò sang lòi mơ ai bơta nđàc cau kis mơ cau chơt in sơl.” Khai đơs bơtơl tai lah: “Cau hơ̆ la gơp bơtiàn rềp he dê, dô nă cau gơp bơtiàn rềp rlau jơh bol he dê.”

Rutơ 3:10

Bôô ho lah: “Ơ kòn ùr añ jê, dan Yàng Jehôwa ai lơngai ai in; bơta dòn song ai lơh dơ̆ do la niam rlau mơ bơta neh lơh lài òr: ai ò lòt jat ală cau gam pơnu, bulah la cau pas gơs hala cau rƀah lơòi.