Rutơ 1:1 - Sră Goh 2018

¹ Tòm pah rài ală kwang cahrña at bồ, gơs dô bơta jơgloh rung tòm lơgar. Gơs dô nă cau klau bơh Betlehem tòm Juda, lam bau ùr mơ bàr nă kòn klau khai dê lòt tus ơm tòm lơgar Môap.

Rutơ 1:1 Mawu Ofanana

Sơnròp Gơlik Gơs 12:10

Tŭ hơ̆, tòm lơgar gơs bơta jơgloh rung, bơta jơgloh rung hơ̆ la dờng ngan tòm lơgar gen Abram mù ơm ing tòm lơgar Ejiptơ.

Sơnròp Gơlik Gơs 26:1

Bơh jơgloh rung sơnròp tòm rài Abraham, tŭ do tòm lơgar gơlik gơs dô dơ̆ tai. Gen Isak lòt tus hơ Abimelek, bơtau Philistin, tòm Gerar.

Sơnròp Gơlik Gơs 43:1

Mơ tai, bơta jơgloh rung tòm lơgar la dờng ngan.

II Samuel 21:1

Tŭ hơ̆ gơs dô bơta jơgloh rung tòm pe sơnam tòm rài Dabit dê, bơh nam do tus nam ne; mơ Dabit hòi lùp Yàng Jehôwa. Yàng Jehôwa đơs lah: “Hơ̆ la bơh glài lơh gơtuh mhàm Sol mơ hìu nhă khai dê, tài bơh khai neh tơnchơt cau Gabaôn.”

I Ală Bơtau 18:2

Behơ̆, Eli lòt tơlik mat mơ Ahap. Gơs bơta jơgloh rung dờng ngan tòm Samari.

I Yal Yau 2:51

Salma tơnggơs Betlehem, mơ Harep tơnggơs Betgader.

I Yal Yau 2:54

Ală kòn klau Salma la: Betlehem, mpồl Netôphatit, Atrôt bet jôap, mơ nggùl mpồl Manahathit, mpồl Jôrit.

Đơs Crih 105:16

Tòm tŭ Kơnràñ tơndùh bơta jơgloh rung tòm lơgar, Mơ ò ai phan sa bol khai in,

Đơs Crih 107:34

Ù bơkah tiah lơngồt gơlik gơs ù ƀă, Tài bơh bơta iơh bơsak làng bol tềng hơ̆ dê.

Jeremi 14:1

Do la jơnau Yàng Jehôwa đơs mơ Jeremi bơh bơta prang dờng.

Ejekiel 14:13

“Ơ kòn mơnus, dilah dô nơm lơgar tìs glài mơ Añ tài bơh ò dòn song, mơ Añ pò tê tòmdră mơ gơ, pơndut phan sa gơ dê, dùh bơta jơgloh rung hơđang gơ, mơ tơnroh ală kòn mơnus bal mơ ală phan poan jơng,

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Lebi 26:19

Añ rơp tơnroh bơta pơnhừ să kơldang bồ bol mê dê mơ lơh trồ hơđang bol mê gơlik gơs be lòs mơ ù tiah hơđơm bol mê gơlik gơs be kòng.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Yal Wơl 28:38

Bol mê rơp sih oă gar kòi tòm ƀlàng sre mơya bol mê rơp toès mìng dô êt lơm tài bơh ală srah nting rơp sa loan gơ.

Ală Kwang Cahrña 12:8

Tơnơ̆ mơ khai gơs Ipsan cau Betlehem cahrña cau Israel.

Ală Kwang Cahrña 17:7

Gơs dô nă cau pơnu bơh Betlehem tòm Juda, khai la cau Lebi ơm tềng hơ̆.

Ală Kwang Cahrña 17:8

Cau pơnu hơ̆ lik bơh ƀòn Betlehem tòm Juda mơ lòt jòi dô bă tiah lơi khai nàng ơm. Khai tus hơ hìu Mika dê tòm tiah kơh mơnơm Epraim nàng jòi broă lơh.