Rôma 6:9 - Sră Goh 2018

⁹ bơh git lah Bơtau Krist neh kis wơl bơh bơta chơt, gen ò gơs tŭ lơi chơt tai, bơta chơt ò geh at bồ hơđang Kơnràñ tai ò.

Rôma 6:9 Mawu Ofanana

Rôma 5:14

Bulah behơ̆, bơh Adam jơl tus di Môise, bơta chơt neh at bồ hơđang ală cau ò tìs glài tòm toh be glài Adam dê, tòm tŭ khai ò lơh jat bơta boh lam Yàng Tom Trồ dê, Adam la rùp sơnio bơh Bơtau rơp tus.

Rôma 6:10

Bơh Kơnràñ neh chơt hơ̆ la chơt tồi glài in mìng dô dơ̆ gen tơl rau; mơya Kơnràñ kis la kis Yàng Tom Trồ in.

Rôma 6:14

Bơh tồi glài ò geh at bồ hơđang oh mi tai; bơh oh mi ò di ơm tòm gơnoar bơta boh lam dê, mơya ơm tòm gơnoar bơta nđàc dê.

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

Hebrơ 7:16

mơ gơlik gơs cau gơnoar ơn phan duh khoai, ò jat jơnau gơnoar sồr bơta boh lam dê bơh jơi kòn mơnus, mơya jat gơnap gơnoar bơta kis ò gơs lồi.

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.