Rôma 2:2 - Sră Goh 2018

² Bol he git lah Yàng Tom Trồ la song ring tòm tŭ cahrña gơwèt mơ ală cau lơh tìs ală bơta behơ̆.

Rôma 2:2 Mawu Ofanana

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sră Jop 34:23

Yàng Tom Trồ ò bơtào gơs dô tŭ tơngai cau lơi in nàng tus di đap Kơnràñ tòm bơta cahrña.

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Đơs Crih 9:4

Bơh Kơnràñ neh dong tò gơnoar di pal añ jê, Kơnràñ nggui di sơbàn mơ cahrña dô bă song ring.

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Esai 45:19

Añ neh ò đơs ndơp ndơr, tòm dô nơm lơgar klam jơngo. Añ ò di neh đơs mơ jơi bơtiàn Jakôp lah: ‘Bol mê jòi Añ la ò kwơ.’ Añ la Yàng Jehôwa, đơs jơnau song, bơto yal jơnau di.”

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Ejekiel 18:29

Bulah behơ̆ hìu Israel đơs lah: ‘Gùng dà Yàng Jehôwa dê la ò song ring.’ Ơ hìu Israel, ngan la gùng dà Añ jê ò song ring sơl ơ? Ò di la ală gùng dà bol mê dê ò song ring ò ơ?

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

Rôma 2:3

Ơ cau cahrña di ală cau neh tìs ală bơta behơ̆ mơ să tòm he kung lơh tìs sơl, behơ̆ mê kơlôi lah să tòm mê rơp geh pleh klàs di bơta cahrña Yàng Tom Trồ dê sơl ơ?

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 9:14

Behơ̆ gen mbe bol he kòñ đơs taih? Gơs bơta ò song ring tòm Yàng Tom Trồ ơ? Ò di behơ̆ ò!

Yal Tơlik 16:5

Añ kơno cau gơnrơh gơs gơnoar hơđang ală dà đơs lah: “Ơ Bơtau gam gơs mơ neh gơs, la Bơtau sàng goh, Kơnràñ la song ring tài bơh Kơnràñ neh cahrña be do.

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”