Rôma 13:2 - Sră Goh 2018

² Gen tàng cau lơi tòmdră mơ ală cau gơs gơnoar, hơ̆ la tòmdră mơ gơnoar sồr Yàng Tom Trồ dê; mơ ală cau sòdră hơ̆ rơp kong àñ bơta lơh glài he in.

Rôma 13:2 Mawu Ofanana

I Pier 2:13

Tài bơh Yàng, oh mi dòn duh tĕ jơh ală bơta boh lam kòn mơnus neh bơtào gơs, gơwèt mơ cau bơtau la cau dờng rlau jơh,

Sră Pơyoa Pol Dê Pơyoa Tit In 3:1

Tơngkah tĕ ală cau dòn jat Yàng pal dòn duh ală cau kwang mơ cau gơnoar at bồ, pal dòn bơr, rcang sir nàng lơh jơh ală broă niam,

Jakơ 3:1

Ơ oh mi añ jê, tòm oh mi bañ gơs oă cau lơh gơs cau bơto, bơh git lah bol he la cau bơto gen rơp kong cahrña dô bă kràñ cê rlau tai.

Rôma 13:5

Behơ̆, tàng pal dòn duh, ò di mìng rngòt di bơta gơjrañ dờng lơm, mơya kung tài bơh nùs tồr sơl.

Jơnau Niam Jat Mak 12:40

pìt mơ sa loan hìu ală cau ùr bơnrau dê, mơ lơh bơthĭ hòi dan jòng jơnau. Bol khai rơp gơkòl lơh nền glài kơnjơ̆ rlau tai.”

Luka 20:47

Bol khai lơh bơthĭ hòi dan jòng jơnau, mơya sa loan hìu ală cau ùr bơnrau dê. Bol khai rơp kong cahrña mơ lơh nền glài kơnjơ̆ rlau tai.”

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Lik Ejiptơ 16:8

Môise kung đơs lah: “Bol mê rơp git hơ̆ la Yàng Jehôwa tòm tŭ Kơnràñ ai poac bol mê in sa tòm trồ mho, mơ jơh ală piang lă bol mê kòñ gơs tòm àng drim, bơh Kơnràñ neh kơno bol mê yoam tòmdră mơ Kơnràñ rau. Bol hi la ñcau taih? Bol mê ò di yoam tòmdră mơ bol hi ò, mơya la yoam tòmdră mơ Yàng Jehôwa.”

Rôma 9:19

Behơ̆ gen mê rơp lùp añ lah: “Dilah behơ̆ ñchi bơh tài Yàng Tom Trồ gam kup glài cau taih? Ñcau rgơi tòmdră mơ nùs kòñ Yàng Tom Trồ dê taih?”

Rôma 13:1

Kòp nă cau pal dòn duh tĕ cau gơs gơnoar at bồ he, bơh ò gơs gơnoar lơi la ò tus bơh Yàng Tom Trồ, ală gơnoar at bồ hơ̆ la bơh Yàng Tom Trồ bơtào gơs.

Rôma 13:3

Bơh ală kwang bàng ò di lòi cau lơh broă niam in rngòt ò, mơya la lòi cau iơh bơsak in rngòt. Mê kòñ ò rngòt di ală cau gơs gơnoar sơl? Lơh tĕ ală broă niam, mơ mê rơp geh jòng ro;