Philip 4:9 - Sră Goh 2018

⁹ Dilah bơta lơi oh mi neh bơtê, neh dòp geh, neh kơno bơh añ mơ neh gŏ tòm añ, lơh jat tĕ, gen Yàng Tom Trồ la Bơtau ai bơta lơngap lơngai rơp ơm bal mơ oh mi.

Philip 4:9 Mawu Ofanana

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 7:21

“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ.

Luka 6:46

Ñchi bơh tài bol mê hòi sơnđan Añ la ‘Yàng, Yàng!’ mơ ò lơh jat jơnau Añ sồr taih?

Luka 8:21

Mơya Kơnràñ ho mơ bol khai lah: “Mè Añ mơ oh mi Añ jê hơ̆ la ală cau kơno jơnau Yàng Tom Trồ dê mơ lơh jat.”

Jang 13:17

Dilah bol mê git ală bơta do mơ lơh jat, gen geh lơngai.

Jang 15:14

Dilah bol mê lơh jat bơta Añ bơto sồr, gen bol mê la bơyô Añ jê.

Jang 2:5

Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.”

Broă 9:6

mơya ntào tĕ, mut tòm ƀòn dờng, cau rơp yal mê in ală bơta mê pal lơh.”

Rôma 15:33

Dan Bơtau ai bơta lơngap lơngai la Yàng Tom Trồ ơm bal mơ jơh ală oh mi. Amen.

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

I Kôrintô 14:33

bơh Yàng Tom Trồ ò di la Yàng Tom Trồ lơh sơlồng sơlàng, mơya la Yàng Tom Trồ bơta ring lơngai. Jat be òs tòm jơh ală Hìu Jum Goh ală cau sàng goh dê.

I Kôrintô 4:16

Behơ̆, añ bơto tơngkah oh mi, pal đòm krơh añ.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Philip 3:17

Ơ ală oh mi, dô nùs bal đòm tĕ añ, mơ sền ală cau lơh jat krơh mơ oh mi neh gŏ tòm bol hi.

Philip 4:7

Gen bơta lơngap lơngai Yàng Tom Trồ dê, la bơta jòng rlau jơh ală bơta git wă, rơp sền gàr nùs mơ bơta kơlôi sơnơng oh mi dê tòm Yàng Krist Jesu.

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

I Tesalônika 2:14

Ơ oh mi, oh mi ngan neh gơlik gơs cau đòm jat ală Hìu Jum Goh Yàng Tom Trồ dê tòm Yàng Krist Jesu, tòm Jude, bơh oh mi neh kong ală cau lơgar tòmlơh bòl glar, kung be ală Hìu Jum Goh hơ̆ neh kong cau Juda lơh bòl glar.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

II Tesalônika 3:4

Đah pơnah oh mi gen bol hi dòn nền tòm Yàng lah oh mi gam lơh mơ rơp lơh ală broă bol hi nting sồr.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Jakơ 1:22

Lơh jat tĕ jơnau Yàng, bañ mìng iat lơm mơ pơrlồm să he.

II Pier 1:10

Behơ̆, ơ oh mi, jơh nùs tĕ rlau tai nàng lơh nền cê bơh bơta Yàng hòi sac mơ sac rwah he; dilah lơh bơta hơ̆ gen oh mi ò gơs tŭ lơi gơtup tìs.

I Jang 3:22

mơ bol he dan bơta lơi gen dòp geh bơta hơ̆ bơh di Kơnràñ, tài bơh bol he prap gàr ală bơta sồr lam Kơnràñ dê mơ lơh ală bơta niam nùs Kơnràñ.