Philip 4:8 - Sră Goh 2018

⁸ Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

Philip 4:8 Mawu Ofanana

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

II Samuel 1:23

Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

Đơs Crih 82:2

“Ală bol mê rơp cahrña ò song ring, Mơ kơryơn di cau iơh bơsak jơl tus di tŭ lơi taih? (Selah)

Jơnau Pơnđik 11:1

Dô nơm kơr ma blac la dô bơta cù kìr Yàng Jehôwa in; Mơya plai kơr tòm toh geh niam nùs Kơnràñ.

Jơnau Pơnđik 12:4

Bau ùr kơ̆ dơn la sơgơn bơtau bau klau khai in; Ai bau ùr lơh ƀàssìl ƀàsso ò gơkrơi be bơta ồm lề tòm ntìng khu khai.

Jơnau Pơnđik 16:11

Plai kơr mơ phan kơr song ring gơrê mơ Yàng Jehôwa; ală plai kơr tòm kơldung la broă lơh Kơnràñ dê.

Jơnau Pơnđik 20:7

Cau song ring ơm kis dô bă song ngan; ală kòn sau khai geh lơngai lơngò ngan!

Jơnau Pơnđik 31:10

Dô nă cau ùr jak chài mơ chài rgơi ñcau rơp jòi bàn taih? Bơta kas màng khai dê rlau mơ lŭ màng.

Jơnau Pơnđik 31:29

“Gơs oă cau ơruh lơh broă dô bă jak chài, mơya ai la jak rlau mơ jơh ală cau hơ̆!”

Jơnau Pơnđik 31:31

Ai tĕ khai in plai đo tê khai dê: lòi tĕ ală broă khai dê jòng ro khai di mpồng ƀòn.

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Esai 26:7

Gùng cau song ring la ring; Ơ Bơtau song ring, Kơnràñ pơnring gùng cau song ring dê.

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Jơnau Niam Jat Mak 6:20

bơh Herôt rngòt di Jang, mơ git khai la dô nă cau song ring mơ sàng goh, gen bơtau sền gàr khai. Herôt kòñ iat Jang đơs, mơya dơ̆ kơno jơnau khai dê rau, gen bơtau ò suk ơm ngan.

Luka 16:15

Kơnràñ đơs mơ bol khai lah: “Bol mê kòp is să he la song ring di đap ală cau, mơya Yàng Tom Trồ git nùs bol mê; bơh bơta lơi la ryŭ ryơm digùl kòn mơnus la ngkòr ngkàc di đap Yàng Tom Trồ.

Luka 2:25

Mơ tai, tòm Jerusalem gơs dô nă cau klau sơnđan la Simeôn, la cau song ring mơ duh rngòt, kơp gơn bơta pơndòm pơniang Israel dê, mơ Yàng Hwềng Goh ơm hơđang khai.

Luka 23:50

Gơs dô nă cau sơnđan la Jôsep, la cau tòm mpồl kwang tơrña, la cau lơbơn niam mơ song ring,

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Broă 22:12

Tòm ƀòn dờng hơ̆ gơs dô nă cau sơnđan la Anania, la cau duh rngòt prap gàr bơta boh lam, geh jơh ală cau Juda ơm tòm Damas lơh cơng niam bơh khai.

Broă 6:3

Behơ̆, dan oh mi sac tĕ tòm bơnòr he poh nă cau geh pơnro niam, bềng lìu Yàng Hwềng Goh mơ bơta jak chài, nàng bol hi rơp jào broă do bol khai in.

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

Rôma 13:3

Bơh ală kwang bàng ò di lòi cau lơh broă niam in rngòt ò, mơya la lòi cau iơh bơsak in rngòt. Mê kòñ ò rngòt di ală cau gơs gơnoar sơl? Lơh tĕ ală broă niam, mơ mê rơp geh jòng ro;

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 13:7

Mơya bol hi hòi dan mơ Yàng Tom Trồ oh mi in bañ lơh broă iơh lơi, ò di nàng yal tơlik lah bol hi geh tơl rnoas, mơya tồ oh mi in lơh bơta niam, bulah bol hi gơlơh be neh kong alah rau.

II Kôrintô 6:8

bulah gơs bơta gơklŏ hala bơta ƀàssìl, bulah gơs tiơng pơnro iơh hala niam. Sền be cau pơrlồm mơya la cau song ngan;

II Kôrintô 8:18

Bol hi neh sồr dô nă oh mi lòt bal mơ Tit, la cau bơto yal Jơnau Niam, geh ală Hìu Jum Goh jòng ro.

II Kôrintô 8:21

Bơh bol hi rcang kơlôi bơta niam ò di mìng di đap Yàng mơ kung di đap ală cau sơl.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 4:25

Gen tàng, oh mi pal sang bơta ma blac, kòp nă pal đơs song mơ cau gơp ƀòn he, tài bơh bol he la pơnah să jan bal.

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Ephesô 6:14

Behơ̆ gen ntào kơ̆ tĕ, kơt but mơ jơnau song, soh ào lòs la bơta song ring,

Yal Wơl 16:20

Lơh jat bơta song ring mơ mìng bơta song ring lơm, tồ bol mê rgơi ơm kis mơ dòp geh lơgar Jehôwa Yàng Tom Trồ bol mê dê ai bol mê in lơh gơs phan tòm.

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Kôlôse 4:5

Lơh lòt tĕ dô bă jak chài gơwèt mơ cau bơdìh, mơ pơlai tĕ tŭ tơngai.

I Tesalônika 4:12

tòm bơta do oh mi rơp geh ki ngàm digùl ală cau ò dòn, mơ oh mi ò lơh pơnjê di cau lơi.

I Timôthe 2:2

ală cau bơtau in, mơ jơh ală cau gơnoar at bồ in, nàng bol he in geh kis dô bă ring lơngai mơ lơngap lơngai tòm bơta duh rngòt mơ dòn duh tòm jơh ală bơta.

I Timôthe 3:11

Cau ùr kung behơ̆ sơl, pal kràñ cê, ò di đơs iơh, pal git kơrhia mơ dòn song tòm jơh ală bơta.

I Timôthe 3:4

pal git at bồ niam hìu nhă he, kơrmap gàr kòn sau he dòn duh dô bă kràñ cê tòm jơh ală bơta;

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

I Timôthe 5:2

cau ùr jòng sơnam kung be mè; cau ơruh be ruh lŏ, mơ pal gơs sàng goh tòm jơh ală bơta.

Sră Pơyoa Pol Dê Pơyoa Tit In 1:8

mơya pal git wă rò nac, gơboh di bơta niam, kràñ cê, song ring, sàng goh, git kơrhia.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 2:2

Tơngkah tĕ ală cau kra pal git kơrhia, kràñ cê, jak chài, ơm kơ̆ tòm bơta dòn, bơta kòñ gơboh mơ bơta ơt ơl.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Hebrơ 11:2

Ngan kơnòm di bơta dòn mơ ală cau rài yau neh geh lơh cơng niam.

Hebrơ 13:18

Dan oh mi hòi dan bol hi in, bơh bol hi git nền lah bol hi gơs nùs tồr niam, kòñ lơh lòt dô bă song ngan sùm tòm jơh ală bơta.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.

II Pier 3:1

Ơ ală cau kòñ gơboh, do la sră pơyoa dơ̆ bàr añ cih oh mi in. Tòm bàr sră pơyoa añ tơngkah wơl nàng chồl nùs kơlôi song ngan oh mi dê,

I Jang 3:18

Ơ ală kòn añ jê, bañ kòñ gơboh mìng bơh jơnau đơs mơ bơh lơmpiat lơm, mơya bơh broă lơh mơ jơnau song.

I Jang 3:3

Cau lơi gơs bơta gơn kơnòm hơ̆ tòm Kơnràñ, gen kơrmap gàr să he sàng goh, kung be Kơnràñ la sàng goh.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Rutơ 3:11

Tŭ do, ơ kòn ùr añ jê, bañ rngòt. Añ rơp lơh ai in jat jơh ală bơta ai neh dan, bơh jơh mpồl làng bol añ jê git ai la dô nă cau ùr kwơ màng.