Philip 4:6 - Sră Goh 2018

⁶ Bañ kơlôi rcang bơh bơta lơi, mơya tòm jơh ală bơta ai tĕ jơnau hòi dan, rac dan, mơ bơta ưnngài mơ yal tơlik ală bơta kòñ dan he dê Yàng Tom Trồ in git.

Philip 4:6 Mawu Ofanana

I Ală Bơtau 8:28

Ơ Jehôwa Yàng Tom Trồ añ! Dan wèt sền di jơnau hòi dan mơ rac dan dĭ gơna Yàng dê, dan iat jơnau ñìm rac mơ rac dan dĭ gơna Yàng hòi dan mơ Yàng ngai do,

II Yal Yau 32:20

Bơtau Ejekia mơ cau gơnoar hwơr Esai kòn klau Amôs ai jơnau dờng hòi dan guh tus hơđang trồ bơh bơta do.

Đơs Crih 51:15

Ơ Yàng, dan pò sơndồi añ, Gen bơr añ rơp yal tơlik bơta jòng ro Yàng.

Đơs Crih 55:17

Mho, drim mơ gùl ngai, añ rac ròc mơ pơt wòl, Mơ Kơnràñ rơp kơno jơnau đơs añ jê.

Đơs Crih 55:22

Jào tĕ bơta àñ kơnjơ̆ mê dê Yàng Jehôwa in, Kơnràñ rơp yò đo mê; Kơnràñ ò gơs tŭ lơi lòi cau song ring kong wañ lơnggơh.

Đơs Crih 62:8

Ơ ală làng bol, kơnòm tĕ di Kơnràñ sùm sùm, Tuh tơlik jơh ală bơta bơh nùs bol mê di đap Yàng; Yàng Tom Trồ la tiah kìng crŭ bol he dê. (Selah)

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 16:3

Jào phi tĕ ală broă he Yàng Jehôwa in, Gen ală bơta kơlôi bơyai he dê rơp geh cồng nha.

Đơs Chò 2:14

Ơ sềm ntòp añ, tòm pơnai lŭ, di tiah cìr mơnơm jơnhoa, ai tĕ añ in sền muh mat ai, ai añ in iat jơnau đơs ai; bơh jơnau đơs ai dê la bơkah lơngồt, muh mat ai dê gơboh gơbài ngan.

Jeremi 32:16

Tơnơ̆ mơ tŭ añ neh dòp sră cơng tàng blơi sre Baruk in la kòn klau Neriya, gen añ hòi dan mơ Yàng Jehôwa lah:

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Daniel 3:16

Sadrak, Mesak, mơ Abetnegô ho wơl mơ bơtau lah: “Ơ bơtau Nebukatnessar, bơh bơta do bol hi ò càng tò să di đap bơtau.

Daniel 6:10

Bulah Daniel neh kơno la jơnau bơkơ̆u hơ̆ cau bơtau neh lơh tềl sơnđan mat rau, khai kư̆ gam rê hơ hìu khai, tềng hơ̆ gơs ală mpồng dềt tòm ơdŭ jơnhoa hơđang, Daniel òs pò ală mpồng dềt wèt hơ đah Jerusalem, mơ cùn gơltang dô ngai pe dơ̆ hòi dan, mơ jòng ro Yàng Tom Trồ jat be khai neh òs lơh bơh lài.

Mathiơ 10:19

Mơya tòm tŭ bol khai bơtào bol mê, gen bañ kơlôi rcang mbe lơi hala jơnau lơi bol mê pal đơs. Bơh rơp ai bol mê in ală jơnau pal đơs tòm jơ hơ̆.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 6:34

Behơ̆ gen, bañ kơlôi rcang bơh ngai hìng, bơh ngai hìng rơp kơlôi rcang ngai hìng in. Bơta bòl glar ngai lơi la tơl ngai hơ̆ in.”

Mathiơ 6:8

Bañ đòm bol khai, bơh Bèp bol mê git ală bơta bol mê pal càng lài mơ tŭ bol mê dan mơ Kơnràñ.

Luka 10:41

Yàng đơs lah: “Ơ Mathe, Mathe, ai kơlôi rcang mơ ò suk ơm bơh oă broă,

Luka 12:22

Yàng Jesu đơs mơ ală cau bơtê lah: “Behơ̆ tàng Añ đơs mơ bol mê, bañ bơh bơta kis he dê mơ kơlôi rcang bơh phan sa, kung bañ bơh să jan he dê mơ kơlôi rcang bơh phan soh.

Luka 12:29

Behơ̆ gen bol mê bañ kơlôi rcang phan sa, phan ñô, kung bañ gơs nùs kơlôi rcang ir.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?

I Kôrintô 7:21

Mê gam ơm dĭ mơ geh hòi sac sơl? Bañ lơh dơrcul bơh bơta hơ̆, mơya dilah mê rgơi geh khat gơboh, gen ngui tĕ tŭ lơmpah hơ̆ la niam rlau.

I Kôrintô 7:32

Mơya añ kòñ oh mi ò càng kơlôi rcang. Cau lơi ò gơs bau, gen kơlôi rcang bơh broă Yàng nàng niam nùs Yàng;

II Kôrintô 1:11

Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

Ephesô 5:20

Bơh jơh ală bơta oh mi pal ai sơnđan Yàng Jesu Krist bol he dê mơ sùm sùm ưnngài Yàng Tom Trồ la Bèp.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Kôlôse 3:15

Lòi tĕ bơta lơngap lơngai Bơtau Krist dê at bồ tòm nùs oh mi, la bơta lơngap lơngai mơ oh mi neh geh hòi tus tòm dô nơm să jan; kung gơs tĕ nùs ưnngài.

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Kôlôse 4:2

Kơ̆ nùs tĕ tòm bơta hòi dan, ai bơta ưnngài mơ drơng kơp tòm broă hơ̆.

I Timôthe 2:1

Behơ̆ sơnròp ngan añ bơto tơngkah lah: Pal rac dan, hòi dan, hòi dan ala, mơ ưnngài jơh tơl nă cau in,

I Timôthe 5:5

Cau ngan la ùr bơnrau mơ ơm is dô nă khai gen neh gơs nùs gơn kơnòm di Yàng Tom Trồ, ngai mơ mang kư̆ hòi dan, rac dan mơ Yàng.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

I Pier 5:7

Jào phi tĕ jơh ală bơta kơlôi rcang oh mi dê Kơnràñ in, tài bơh Kơnràñ òs sền gàr oh mi sùm.

I Samuel 1:15

Anne ho lah: “Ò di behơ̆, ơ yàng! Añ la dô nă cau ùr gơs oă ngan bơta bòl glar mơ moat jrùng; añ ò ñô tơrnòm hala alak; mơya añ ơm tuh hwềng soàn añ di đap Yàng Jehôwa.

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”