Philip 4:5 - Sră Goh 2018

⁵ Ai tĕ jơh ală cau in git bơta kong ơt oh mi dê. Yàng neh rềp rau.

Philip 4:5 Mawu Ofanana

Mathiơ 6:25

Behơ̆ tàng Añ đơs mơ bol mê: Bañ kơlôi rcang bơh bơta kis he dê, ñchi ai sa, ñchi ai ñô, hala bơh să jan he dê, ñchi ai soh. Bơta kis ò di la màng rlau mơ phan sa, mơ să jan ò di la màng rlau mơ phan soh ò ơ?

Mathiơ 6:34

Behơ̆ gen, bañ kơlôi rcang bơh ngai hìng, bơh ngai hìng rơp kơlôi rcang ngai hìng in. Bơta bòl glar ngai lơi la tơl ngai hơ̆ in.”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

I Kôrintô 6:7

Mơ tai, oh mi neh yă wơn bal mơ gơp, hơ̆ la kong alah rau. Ñchi bơh tài ò kong cau bơklơn la niam rlau taih? Ñchi bơh tài ò kong cau pơrlồm la niam rlau taih?

I Kôrintô 8:13

Gen tàng, dilah phan sa lơh oh mi añ in gơtup tìs, gen tòm jơh rài añ ò gơs tŭ lơi sa poac tai, rngòt lơh oh mi añ in gơtup tìs.

I Kôrintô 9:25

Jơh ală cau pơrlòng pràn tòm bơta pơrlòng, bơtê git kơrmap bơta boh lam kràñ cê tòm jơh ală bơta. Bol khai lơh behơ̆ mìng dòp sơgơn ồm lề, mơya bol he lơh behơ̆ nàng dòp sơgơn ò ồm lề.

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Tesalônika 2:2

bañ lòi nùs kơlôi oh mi dê mhar lơnggơr, kung bañ dơrcul bơh hwềng lơi, hala bơh jơnau đơs, hala bơh sră pơyoa lơi gơlơh be bol hi neh pơyoa, mơ đơs lah ngai Yàng dê neh tus rau.

Sră Pơyoa Pol Dê Pơyoa Tit In 3:2

bañ bơrsèl tơnhial di cau lơi, bañ tòmpìt tòmhà, gơtòmsòr tĕ, bềng bơta niam lơnhơn gơwèt mơ jơh tơl nă cau.

Hebrơ 10:25

Bañ sang lòi bơta pơjum bal be cau ƀà òs lơh, mơya pal bơto tơngkah bal mơ gơp, mơ sơlo pal lơh lin rlau tai, bơh oh mi gŏ ngai Yàng Jesu dê tus rềp.

Hebrơ 10:37

Gam dô êt jŏ, mìng dô êt lơm, “Gen Bơtau pal tus rơp tus, ò di tus òbat.

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

Yal Tơlik 22:20

Bơtau lơh cơng bơh ală bơta do đơs lah: “Ngan, Añ tus mhar!” Amen, khoai Yàng Jesu, dan Kơnràñ tus mhar!

Yal Tơlik 22:7

Do, añ tus mhar, lơngai cau lơi in prap gàr ală jơnau gơnoar hwơr tòm sră do!”