Philip 4:4 - Sră Goh 2018

⁴ Hòn chò tĕ tòm Yàng sùm sùm. Añ đơs wơl tai: Hòn chò tĕ!

Philip 4:4 Mawu Ofanana

Đơs Crih 146:2

Añ rơp jòng ro Yàng Jehôwa kàr lơi añ gam kis; Añ rơp đơs chò jòng ro Yàng Tom Trồ añ jê jơl jơh rài kis añ jê.

Đơs Crih 33:1

Ơ ală cau song ring, hòn chò tĕ tòm Yàng Jehôwa! Bơta jòng ro di pal mơ cau song ngan.

Habakuk 3:18

Añ kung rơp chò hòp tòm Yàng Jehôwa, Añ rơp hòn chò tòm Yàng Tom Trồ la Bơtau dong klàs añ jê.

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”

Broă 16:25

Pơgap digùl mơnang, Pol mơ Sila ơm hòi dan mơ đơs chò jòng ro Yàng Tom Trồ, jơh ală cau ơm jàm kơno lơm.

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 12:12

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Galati 1:8

Mơya bulah bol hi hala cau gơnrơh bơh đang trồ bơto yal oh mi in dô nơm jơnau niam lơi ndai, krơi is mơ Jơnau Niam bol hi neh bơto yal oh mi in, gen cau hơ̆ pal gơkòl srat rma!

Philip 2:18

Oh mi kung behơ̆ sơl, chò hòp tĕ mơ hòn chò tĕ bal mơ añ.

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

I Pier 4:13

Mơya oh mi gơs pơnah tòm bơta bòl glar jê sồt Bơtau Krist dê kàr lơi, gen hòn chò tĕ kàr hơ̆, tồ tus di ngai bơta gơklŏ Kơnràñ dê geh ràng tơlik, gen oh mi kung geh hòn chò ò git lơh.