Philip 4:17 - Sră Goh 2018

¹⁷ Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Philip 4:17 Mawu Ofanana

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Malaci 1:10

“Ơ hơh, gơs cau lơi tòm bol mê pal til ală mpồng hìu duh khoai dê, tồ bol mê ò chu ồs di cơnòng duh khoai Añ jê tòm bơta ò kwơ.” Yàng Jehôwa Gơnap Gơnoar Dờng Làm Jơh đơs lah: “Añ ò niam nùs di bol mê, mơ Añ ò dòp phan ơn lơi bơh di tê bol mê.

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

Rôma 15:28

Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha».

II Kôrintô 11:16

Añ đơs tai lah: bañ gơs cau lơi sền añ be cau tùl gơla; dilah gơs behơ̆ gen kung pal dòp rò tĕ añ be cau tùl gơla, tồ añ kung geh jòng să dô êt sơl.

II Kôrintô 9:5

Behơ̆ añ kơlôi pal dan dô êt cau lòt tus lài hơ oh mi, mơ rcang lài phan pà gòi mơ oh mi neh ho bơh lài, tồ phan hơ̆ in gơs sir tòm tŭ añ tus be dô nơm phan pà niam, mơ ò bơklơn.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:11

Ò di añ kòñ đơs bơh bơta siơ̆u siar añ jê, bơh añ neh bơtê bulah tìp bơta lơi kung hừh nùs ơm behơ̆.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

I Timôthe 3:3

Ò tơhìr tơrnòm alak, ò lơh rhung rhang, mơya pal sơrmah sơrmài; ò jòi jơnau, mơ ò hàm hà jền priă;

I Timôthe 6:10

Bơh bơta hàm hà jền priă la tòm ryas jơh ală bơta iơh bơsak dê, gơs cau tài bơh ting jat gơ gen tàng kòl gơ pơrlồm sang lòi bơta dòn, hwềng nùs kong oă bơta moat jrùng jê sồt.

Sră Pơyoa Pol Dê Pơyoa Tit In 1:7

Bơh cau at bồ hìu Yàng Tom Trồ dê gen pal ò gơs tiah geh lah pơrhơng, ò di lơh be tơl, ò di mhar gơjrañ, ò di tơhìr tơrnòm alak, ò di lơh rhung rhang, ò di hàm hà cồng nha ƀơ̆ ƀơl,

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Pier 5:2

Ê tĕ mpồl belàt Yàng Tom Trồ dê neh jào oh mi in, lơh bơta hơ̆ ò di la bơh bơklơn mơya la bơh nùs kòñ lơh, ò di bơh cồng nha ò di pal mơya bơh jơh nùs ngac ngar,

II Pier 2:15

Bol khai neh sang gùng song mơ lòt tìs nrah, jat gùng Balaam kòn klau Beô dê, la cau hàm kòñ jền tơngai bơh broă iơh bơsak,

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.