Philip 4:1 - Sră Goh 2018

¹ Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Philip 4:1 Mawu Ofanana

Sră Jop 31:36

Ngan añ rơp tui gơ di pơnì añ, Añ rơp kơt gơ be dô nơm sơgơn bơtau hơđang añ.

Đơs Crih 125:1

Cau lơi dòn kơnòm di Yàng Jehôwa, gen be mơnơm Siôn ò lơnggơr mơya gam gơs sùm sùm.

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Mathiơ 10:22

Bol mê rơp gơkòl jơh ală cau gơjrañ kơuềng tài bơh sơnđan Añ. Mơya cau lơi kơ̆ nùs jơl tus di lồi dut, gen rơp geh dong klàs.

Jang 8:31

Behơ̆ Yàng Jesu đơs mơ ală cau Juda neh dòn Kơnràñ lah: “Dilah bol mê ơm sùm tòm jơnau Añ, gen bol mê ngan la cau bơtê Añ jê;

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 2:42

Ală cau hơ̆ kư̆ kơ̆ nùs prap bơta bơto sồr ală cau gơnoar bơto dờng dê, bơta gơtòmklac mơ oh mi, bơta dơrkă piang lă, mơ bơta hòi dan.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

II Kôrintô 1:14

kung be oh mi neh git wă dô êt bơh bol hi lah bol hi la bơta hòn chò oh mi dê, ò gơkrơi be oh mi kung la bơta hừh nùs bol hi dê tòm ngai Yàng Jesu bol he dê.

Galati 5:1

Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Philip 2:26

Bơh khai kòñ ngan gŏ jơh ală oh mi, mơ khai neh kơlôi moat tài bơh oh mi kơno khai kòp jê.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

II Tesalônika 2:15

Behơ̆ tàng, ơ oh mi, ơm kơ̆ tĕ, prap gàr kơ̆ tĕ ală jơnau bol hi neh bơto sồr oh mi in, ƀà mơ jơnau đơs, ƀà mơ sră pơyoa bol hi dê.

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Hebrơ 10:23

Bol he pal prap kơ̆ bơta gơn kơnòm mơ bol he neh gơs nàng gơ ò lơnggơr, bơh Yàng Tom Trồ neh ho pơgon la Bơtau lơh jat jơnau ho Kơnràñ dê.

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Hebrơ 4:14

Behơ̆ tàng, bơh bol he gơs cau gơnoar dờng lam bồ ơn phan duh khoai neh lòt gan ală tap trồ, hơ̆ la Yàng Jesu Kòn Yàng Tom Trồ dê, gen bol he pal prap kơ̆ jơnau bol he neh dòn dòp.

II Pier 3:17

Behơ̆, ơ ală cau kòñ gơboh, bơh oh mi neh git lài ală bơta hơ̆, gen pal kơrhia tĕ, rngòt oh mi kòl hwài tơlik bal mơ bơta tìs nrah ală cau iơh bơsak hơ̆ dê, mơ lơh roh bơta kơ̆ cê is oh mi dê.