Philip 3:8 - Sră Goh 2018

⁸ Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Philip 3:8 Mawu Ofanana

I Ală Bơtau 14:10

Gen tàng, Añ rơp cèng bơta iơh hơđang hìu Jerôbôam, Añ rơp tơnroh jơh ală cau klau bơh di Jerôbôam, cau dĭ gơna mơ cau khat gơboh bơh hìu Israel, Añ rơp tơnroh jơh hìu Jerôbôam, mơ pơs wàs jơh hìu khai, be cau chu ală phan ƀơ̆ ƀơl, jơl tus ò gam wơl ñchi lơi.

II Ală Bơtau 9:37

ƀồc khai rơp be è tòm ƀlàng tòm ù tiah Jejreel dê, behơ̆ ò gơs dô nă cau lơi rgơi đơs, do la Jesebel.’”

Sră Jop 20:7

Bol khai rơp roh rui sùm sùm, kung be è tòm khai dê; Ală cau neh gŏ bol khai rơp đơs lah: ‘Ntềng đah bol khai taih?’

Đơs Crih 126:6

Cau lơi lik lòt ñìm ndang cèng gar sơntìl nàng sih, Gen ngan rơp rê hìu dô bă hòn chò, Mơ ơnòng ală cap kòi khai dê.

Đơs Crih 73:25

Hơđang trồ, añ gơs ñcau rlau mơ Kơnràñ taih? Ai tòm ù añ ò kòñ bơta lơi ndai rlau mơ Kơnràñ.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Malaci 2:3

Añ rơp lah pơrhơng kòn sau bol mê dê, rsìh è phan poan jơng hơđang muh mat bol mê dê, è ală phan ơn bol mê dê, mơ Añ rơp bơtrơh tơlik bol mê bơh di bơta gơs mat Añ jê.

Khà Làng Bol 14:30

Ò gơs dô nă cau lơi tòm bol mê rơp mut tòm lơgar mơ Añ neh pò tê srat să lơh gơs hìu tòm bol mê in, lòi mìng Kalep kòn klau Jephune mơ Jôsue kòn klau Nun.

Luka 1:43

Ñchi bơh tài añ geh bơta nđàc dờng do, hơ̆ la mè Yàng añ jê tus còp añ taih?

Luka 11:20

Mơya dilah Añ kơnòm di ràs tê Yàng Tom Trồ dê nàng bơtrơh cà, gen lơgar Yàng Tom Trồ neh tus hơ bol mê rau.

Jang 14:20

Tòm ngai hơ̆ bol mê rơp git lah Añ ơm tòm Bèp Añ, bol mê ơm tòm Añ mơ Añ ơm tòm bol mê.

Jang 14:7

Dilah bol mê neh git Añ, gen kung neh git Bèp Añ sơl. Bơh di tŭ do bol mê git Kơnràñ mơ kung neh gŏ Kơnràñ sơl.”

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Jang 17:8

Bơh Añ neh ai bol khai in ală jơnau Bèp neh ai Añ in; bol khai neh dòp mơ git ngan lah Añ neh tus bơh di Bèp, mơ dòn lah Bèp neh sồr Añ lòt tus.

Jang 20:13

Bàr nă cau gơnrơh đơs lah: “Ơ cau ùr, ñchi bơh tài ai ñìm taih?” Khai đơs lah: “Tài bơh cau neh pơrdô Yàng añ, mơ ò git ntềng đah bol khai ơn Kơnràñ.”

Jang 20:28

Thôma ho lah: “Khoai Yàng añ mơ Yàng Tom Trồ añ!”

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

Rôma 8:39

đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tòm Yàng Krist Jesu la Yàng bol he dê.

I Kôrintô 2:2

Bơh añ neh lơh nền lah ơm digùl oh mi añ ò git bơta lơi rlau mơ Yàng Jesu Krist, mơ Kơnràñ kong pơng di chi pơng.

I Kôrintô 9:10

Hala Kơnràñ ò di bơh bol he mơ đơs behơ̆ ơ? Ngan, tài bơh bol he mơ neh cih. Bơh cau lơòr pal gơn kơnòm di bơta lơòr, mơ cau jă kòi pal gơn kơnòm geh pơnah tòm kòi he jă.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Galati 1:16

mơ niam nùs yal tơlik Kòn Kơnràñ dê tòm añ, tồ añ in bơto yal bơh Kòn hơ̆ digùl làng bol bơdìh, gen añ ò càng bơyai mơ cau lơi.

Ephesô 4:13

jơl tus di tŭ jơh tơl nă bol he tus dê bơta dô bă bal bơta dòn dê, mơ bơta git jak bơh Kòn Yàng Tom Trồ, mơ gơlik gơs cau dờng, geh sơnoa be rùp să jat bơta bềng tơl Bơtau Krist dê,

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

Philip 3:10

nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Philip 3:12

Hơ̆ ò di la añ neh geh rau, hala neh tus di bơta wil tơl ò, mơya añ gam ntoat tồ sơmbat geh, bơh să tòm añ neh geh Yàng Krist Jesu sơmbat rau.

Philip 3:7

Mơya tài bơh Bơtau Krist, añ neh sền ală cồng nha añ jê kung be bơta roh lơm.

II Timôthe 4:6

Bơh añ neh kòl tuh tơlik be phan pơdơng rau, mơ ngai sang rài añ jê mòr rềp rau.

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

I Pier 2:7

Behơ̆ gơwèt mơ oh mi la cau dòn, gen Kơnràñ la màng ngan; mơya gơwèt mơ ală cau ò dòn gen “Pơnai lŭ mơ ală cau bơt hìu neh sang lòi, Lŭ hơ̆ neh gơlik gơs lŭ bồ mum hìu,”

II Pier 1:2

Dan bơta nđàc mơ bơta lơngap lơngai geh ai bơtơl bềng lìu oh mi in kơnòm di bơta dòp git Yàng Tom Trồ mơ Yàng Jesu la Yàng bol he dê.

II Pier 1:3

Gơnap gơnoar sàng goh Yàng Tom Trồ dê neh ai bol he in jơh ală bơta gơrê bal mơ bơta kis mơ bơta duh rngòt, kơnòm di bơta dòp git Kơnràñ la Bơtau neh hòi sac bol he tòm bơta gơklŏ mơ bơta kơ̆ dơn Kơnràñ dê.

II Pier 1:8

Bơh dilah ală bơta hơ̆ gơs tơl tòm oh mi mơ tơngkah tơngkañ, gen rơp dong oh mi gơs kwơ mơ gơlik cồng nha tòm bơta dòp git Yàng Jesu Krist bol he dê.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

I Jang 1:3

bol hi ai bơta neh gŏ, neh kơno, mơ bơto yal oh mi in, tồ oh mi in kung geh gơtòmklac bal mơ bol hi sơl. Bol hi geh gơtòmklac bal mơ Yàng Bèp, mơ Kòn Kơnràñ la Yàng Jesu Krist.

I Jang 2:19

Bol khai neh bơh digùl bol he mơ lik, mơya ò di bal mơ bol he; bơh dilah bol khai bal mơ bol he, gen neh kư̆ ơm bal mơ bol he; mơya bol khai neh lik lòt tồ yal tơlik lah jơh ală bol khai ò di bal mơ bol he.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.