Philip 3:19 - Sră Goh 2018

¹⁹ Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.

Philip 3:19 Mawu Ofanana

Đơs Crih 17:14

Ơ Yàng Jehôwa, dan ngui tê Kơnràñ dong tă añ klàs bơh di kòn mơnus, klàs bơh di kòn mơnus la cau gơs pơnah mìng tòm bơta kis tòm dunnia do; dan kơndul bol khai geh bềng ală phan Kơnràñ neh prap lòi bol khai in; dan kòn sau bol khai in kung dòp geh tơngkah tơngkañ, mơ lòi wơl ală pơnah gam tơngkah rài tơnơ̆ in.

Đơs Crih 52:1

Ơ cau gơs gơnoar pràn, ñchi bơh tài mê jòng is să he tòm bơta lơh iơh gơwèt mơ cau duh rngòt di Yàng taih? Jơh ngai mho mê kơlôi rcang bơta tơnroh.

Jeremi 44:17

Mơya bol hi ngan rơp lơh wil tơl ală jơnau neh lik bơh bơr bol hi, rơp chu kơlhô mơ ơn phan ơn ưnngài yàng ùr hơđang trồ, kung be bol hi bal mơ ồng pàng bol hi, cau bơtau, cau kwang at bồ bol hi neh lơh tòm ală ƀòn Juda dê mơ tòm ală gùng ƀòn dờng Jerusalem; Tài bơh tŭ hơ̆ bol hi gơs ƀañ nàng sa hòm să he, geh lơngai, ò gŏ rung rài lơi.

Ejekiel 13:19

Bol ai neh sền òsơp di Añ digùl ală làng bol bơh dô sơmbat kòi brà mơ dô êt piang lă. Bơh jơnau đơs blac mơ làng bol Añ jê la cau iat ală jơnau đơs blac, bol ai tơnchơt ală cau ò di pal chơt mơ lòi kis ală cau ò di pal kis.’

Ejekiel 34:3

Bol mê sa dơngi belàt, tơnsoh să tòm bol mê mơ sơnò belàt, bol mê lơh poac ală belàt lơmă rlau jơh, mơya bol mê ò ròng siam mpồl belàt!

Sră Ôse 4:7

Bol khai sơlo bơtơl oă kàr lơi, gen sơlo bol khai tìs glài tòmdră mơ Añ kàr hơ̆ sơl; bol khai tòmgơl bơta gơklŏ mơ dòp bơta ƀàssìl.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:5

Do la jơnau Yàng Jehôwa đơs bơh ală cau gơnoar hwơr neh lam làng bol Añ jê tìs nrah, la cau hòi driau lah: “Ring lơngai!” Tòm tŭ bol khai ò gơs phan lơi nàng sa, gen bol khai yal tơnggit bơta kơlìn tòmdră mơ cau lơi ò cèng phan lơi bol khai in sa.

Malaci 1:12

Mơya bol mê neh lơh ngkòr ngkàc di sơnđan Añ tòm tŭ bol mê đơs lah: “Cơnòng duh khoai Yàng Jehôwa la ƀơ̆ ƀơl,” mơ đơs bơh phan ơn hơđang cơnòng lah: “Hơ̆ la phan pal sền òsơp.”

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Luka 12:19

Añ rơp đơs mơ hwềng soàn añ lah: Ơ hwềng, mê neh gơs oă phan mơna prap lòi oă sơnam in; rlô bòl tĕ, sa, ñô, mơ chò hòp lă.’

Luka 16:19

“Gơs dô nă cau pas sơm ne soh ào gur mơ bài che dơmài lơbơn, kòp ngai ngui sa pròng preh sih sàc.

Luka 18:4

Cau kwang hơ̆ ò bài cahrña tòm dô pah tơngai. Mơya tơnơ̆ hơ̆ khai đơs is lah: ‘Bulah añ la cau ò duh rngòt di Yàng Tom Trồ, kung ò ki ngàm di cau sơl,

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Rôma 6:21

Behơ̆ ală broă oh mi neh lơh lài òr gen ñchi cồng nha geh taih? Mơ tŭ do lơh oh mi in ƀàssìl, lồi dut ală broă hơ̆ dê la bơta chơt.

I Kôrintô 3:3

bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

II Kôrintô 11:12

Bơta añ lơh gen añ kư̆ lơh tai, nàng tă sang kai gơrmơ̆i bơh di cau jòi kai jòng să lah, bol khai ndròm mơ bol hi.

II Kôrintô 11:15

Behơ̆ dilah ală cau duh broă gơ dê lơh tànggơ be cau duh broă bơta song ring, gen kung ò gơkrơi sơl; bơta lồi dut bol khai dê rơp dòp cồng nha jat be broă lơh bol khai dê.

Galati 6:13

Bơh să tòm ală cau hơ̆ neh kong siat gơltau, mơ bol khai kung ò prap gàr bơta boh lam ò; mơya bol khai kòñ oh mi kong siat gơltau, nàng bol khai rgơi jòng să tòm poac să oh mi dê.

Philip 2:21

bơh cau lơi kung jòi cồng nha is he dê, mơ ò jòi cồng nha Yàng Jesu Krist in.

Kôlôse 3:2

Ơn tĕ nùs kơlôi gơwèt mơ ală bơta hơđang trồ mơ bañ ơn nùs kơlôi gơwèt mơ ală bơta tòm ù.

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,

II Tesalônika 2:12

tồ lơh nền glài jơh ală cau ò dòn jơnau song, mơ hòn chò tòm bơta ò song ring.

II Tesalônika 2:8

Tŭ hơ̆ cau iơh bơsak ne rơp gơyal tơlik, Yàng Jesu rơp ngui nhơm bơr Kơnràñ dê mơ tơnchơt khai, mơ ngui bơta àng gơcrà bơta tus wơl Kơnràñ dê mơ tơnroh khai.

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Timôthe 3:4

pơrlơ̆ dră di oh mi bơyô, mhar gơhào nùs, jòng is să he, kòñ gơboh bơta kơnhơl lềng rlau mơ bơta kòñ gơboh di Yàng Tom Trồ,

Jakơ 4:16

Mơya oh mi jòng să, pơnhừ să. Jơh ală bơta jòng să behơ̆ la iơh.

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.

II Pier 2:13

bol khai kong bòl glar jê sồt bơh broă ò song ring bol khai dê. Bol khai hừh nùs tòm bơta ñô sa kơnhơl gơlềng gơlàng tòm trồ ngai; bol khai la tềl ƀơ̆ ƀơl ngkòr ngkàc, ai lơh chò hòp tòm bơta blac pơrlồm tòm tŭ ñô sa khat gơboh bal mơ oh mi.

II Pier 2:3

Bol khai rơp bơh nùs hàm hà mơ ngui jơnau blac pơrlồm nàng sa kwì di oh mi, mơya bơta lơh nền glài di bol khai bơh lài òr ò di òbat tus, mơ bơta roh rui ơm gơn bol khai kung be cau ò bic.

Jude 1:10

Mơya ală cau do bơrsèl tơnhial di ală bơta bol khai ò git wă, ai ală bơta bol khai jat bơta òs mơ git kung be ală phan poan jơng ò gơs dơngoh kơlôi, gen bol khai kòl tơnroh bơh ală bơta hơ̆.

Jude 1:16

Ală cau hơ̆ la cau jak yoam pơrhiat mơ ò hừh nùs, lơh jat bơta hàm kòñ is he dê, jak đơs jơnau pơnhừ să, ngui jơnau đơs rơmhòc nàng geh cồng nha.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

Yal Tơlik 18:7

Khai neh jòng is să he mơ lơh gơlềng gơlàng kàr lơi, gen lơh tĕ di khai jê sồt bòl glar mơ ñìm rac kàr hơ̆ sơl. Bơh tòm nùs khai kơlôi lah: ‘Añ nggui hơđang sơbàn bơtau ùr, añ ò di la cau ùr bơnrau, añ rơp ò gơs tŭ lơi gŏ bơta ñìm rac ò.’

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’