Philip 3:18 - Sră Goh 2018

¹⁸ Bơh añ òs đơs bơta do oh mi in, tòm tŭ do añ ñìm mơ đơs tai lah oă cau lơh lòt kung be cau sò tơm di chi pơng Bơtau Krist dê.

Philip 3:18 Mawu Ofanana

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Esai 8:11

Bơh Yàng Jehôwa neh đơs bơta do añ in tòm tŭ tê Kơnràñ dê pràn ngan ơn hơđang añ, mơ bơto pơhìn añ bañ cơnđòa lòt tòm gùng làng bol do dê, mơ đơs lah:

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Lebi 11:16

klàng ngke, iar ềt, klàng bơkào, klàng dàlềng, ală jơi klàng iar,

Lebi 13:8

Cau gơnoar ơn phan duh khoai pal sền sơwì cau hơ̆ mơ dilah tiah sồt neh gơ sa rì tòm gơltau, khai pal yal tơlik lah cau hơ̆ la ò goh; bơta hơ̆ la dô bơta kòp dun tòm gơltau.

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,

Broă 20:19

Añ duh broă dô bă pơndêt să, gơhòr oă dà mat, be dĭ gơna Yàng dê tòm bơta gơlòng bòl glar bơh kai gơrmơ̆i cau Juda.

Rôma 9:2

Añ moat jrùng ngan, nùs añ jê sồt sùm ò dơh.

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

II Kôrintô 11:13

Bơh ală cau hơ̆ la cau gơnoar bơto ma blac, la cau lơh broă pơrlồm, lơh tànggơ be cau gơnoar bơto dờng Bơtau Krist.

II Kôrintô 11:29

Gơs cau lơbơn lơño mơ añ ò lơbơn lơño ơ? Gơs cau lơi gơtup tìs mơ añ ò dơrcul ơ?

II Kôrintô 2:4

Mơ añ neh cih sră pơyoa oh mi in, tòm bơta bòl glar dờng mơ nùs jê sồt, dà mat hòr lik, ò di nàng lơh oh mi in moat jrùng, mơya nàng lơh oh mi in git bơta kòñ gơboh oă ngan añ jê gơwèt mơ ală oh mi.

Galati 1:7

Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Galati 2:14

Mơya dơ̆ añ gŏ bol khai ò lòt song jat jơnau song Jơnau Niam dê, gen añ đơs mơ Sepha di đap jơh ală cau lah: “Dilah bi la cau Juda mơ lơh lòt be cau làng bol bơdìh, mơ ò lơh lòt be cau Juda, gen mbe bi bơklơn cau làng bol bơdìh pal lơh lòt be cau Juda taih?”

Galati 2:21

Añ ò lơh bơta nđàc Yàng Tom Trồ dê gơlik gơs ò kwơ; bơh dilah bơta song ring tus bơh bơta boh lam, gen Bơtau Krist kong chơt la ò kwơ.

Galati 5:21

ƀoah gơjrañ, bơñul lơmbè, jròk ñô sa, mơ ală bơta ndai ndròm bal behơ̆ sơl. Añ bơto tơngkah oh mi be añ neh bơto rau: Dilah cau lơi tìs tòm ală bơta behơ̆ gen ò geh pơrdòn lơgar Yàng Tom Trồ dê.

Galati 6:12

Ală cau lơi kòñ ràng tơlik bơta niam poac să dê, gen bơklơn oh mi pal kong siat gơltau, tồ bol khai pleh klàs di bơta kup kơryan bơh chi pơng Bơtau Krist dê.

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Philip 1:4

kòp dơ̆ hòi dan mơ Yàng, gen añ òs hòi dan jơh ală oh mi in dô bă hòn chò,

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

II Tesalônika 3:11

Bơh bol hi kơno tòm oh mi gơs cau lơh lòt ală alai, ò tŭ lơi lơh broă, mơya kòñ lơh be tòm tòm broă cau ndai dê.

II Pier 2:10

lài ngan la ală cau lơh lòt jat nùs hàm kòñ is ngkòr ngkàc poac să dê, mơ sền òsơp di ală gơnoar Yàng dê.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.