Philip 3:17 - Sră Goh 2018

¹⁷ Ơ ală oh mi, dô nùs bal đòm tĕ añ, mơ sền ală cau lơh jat krơh mơ oh mi neh gŏ tòm bol hi.

Philip 3:17 Mawu Ofanana

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 11:1

Đòm tĕ krơh añ, kung be añ đòm krơh Bơtau Krist sơl.

I Kôrintô 4:16

Behơ̆, añ bơto tơngkah oh mi, pal đòm krơh añ.

Philip 4:9

Dilah bơta lơi oh mi neh bơtê, neh dòp geh, neh kơno bơh añ mơ neh gŏ tòm añ, lơh jat tĕ, gen Yàng Tom Trồ la Bơtau ai bơta lơngap lơngai rơp ơm bal mơ oh mi.

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

II Tesalônika 3:14

Dilah cau lơi ò dòn jat jơnau bol hi đơs tòm sră pơyoa do, gen git tĕ cau hơ̆, bañ tòmsòr mơ khai, tồ khai in git ƀàssìl ƀàsso.

II Tesalônika 3:7

Bơh să tòm oh mi git mbe pal đòm jat bol hi, bơh bol hi ò tŭ lơi lơh lòt ală alai digùl oh mi.

II Tesalônika 3:9

Hơ̆ ò di la tài bơh bol hi ò geh gơnoar, mơya hơ̆ la nàng lơh krơh oh mi in, tồ oh mi in đòm jat bol hi.

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

I Pier 5:3

ò di nàng at bồ ală cau neh jào oh mi in, mơya nàng lơh krơh niam mpồl belàt in.