Philip 3:16 - Sră Goh 2018

¹⁶ Mìng bol he neh tus di tiah lơi, gen bol he pal cơnđòa lòt tĕ behơ̆.

Philip 3:16 Mawu Ofanana

Rôma 12:16

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

Rôma 15:5

Dan Bơtau ai bơta kơ̆ nền mơ bơta chồl pơndòm Yàng Tom Trồ dê dong oh mi in geh dô nùs kơlôi bal be Yàng Krist Jesu,

Galati 5:7

Oh mi òs ntoat jak; ñcau neh kơryan kơrdơl oh mi nàng oh mi ò dòn bơr jơnau song taih?

Galati 6:16

Dan bơta lơngap lơngai mơ bơta kòñ nđàc mù hơđang jơh ală cau lơh jat bơta sơnoa rnoas do, mơ hơđang làng bol Israel Yàng Tom Trồ dê sơl.

Philip 1:27

Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 2:2

gen ală oh mi gơs tĕ dô nùs bal, dô bơta kòñ gơboh bal, dô bă bal tòm nùs nhơm mơ bơta kơlôi sơnơng, nàng lơh bơta hòn chò añ jê geh wil tơl.

Philip 4:2

Añ bơto tơngkah Ebôdi mơ Sintikơ pal gơs dô nùs kơlôi bal tòm Yàng.

Kôlôse 2:6

Behơ̆ oh mi neh dòp Krist Jesu la Yàng, gen lơh lòt tĕ tòm Kơnràñ behơ̆ sơl.

Kôlôse 4:2

Kơ̆ nùs tĕ tòm bơta hòi dan, ai bơta ưnngài mơ drơng kơp tòm broă hơ̆.

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.