Philip 3:14 - Sră Goh 2018

¹⁴ Behơ̆ añ ntoat song hơ tơnggu tồ sơmbat geh phan ƀàn bơh bơta hòi sac hơđang trồ Yàng Tom Trồ dê tòm Yàng Krist Jesu.

Philip 3:14 Mawu Ofanana

Luka 16:16

Gơs bơta boh lam mơ ală jơnau cau gơnoar hwơr jơl tus di Jang; gen bơh tŭ hơ̆ Jơnau Niam lơgar Yàng Tom Trồ dê geh bơto yal, mơ kòp nă cau pơnđơl jơh pràn mut tòm hơ̆.

Rôma 11:29

bơh ală bơta ai gòi mơ bơta hòi sac Yàng Tom Trồ dê ò tŭ lơi tòmgơl.

I Kôrintô 9:24

Oh mi ò git lah ală cau ntoat pơrlòng tòm tiah pơrlòng, gen jơh tơl nă ntoat bal, mơya mìng gơs dô nă dòp geh phan ƀàn ơ? Behơ̆, oh mi pal ntoat mbe lơi sồng geh phan ƀàn.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

I Tesalônika 2:12

Bol hi bơto pơndòm, pơndòm pơniang, mơ lơh cơng oh mi in, tồ oh mi in lơh lòt dô bă di pal ngan mơ Yàng Tom Trồ, la Bơtau hòi oh mi tus hơ lơgar mơ bơta gơklŏ Kơnràñ dê.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

I Pier 1:13

Behơ̆, oh mi gơs tĕ nùs kơlôi be cau kơt but lơh broă, drơng kơp, gơn kơnòm wil tơl di bơta nđàc rơp ai oh mi in tòm tŭ Yàng Jesu Krist tơlik mat.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

II Pier 1:3

Gơnap gơnoar sàng goh Yàng Tom Trồ dê neh ai bol he in jơh ală bơta gơrê bal mơ bơta kis mơ bơta duh rngòt, kơnòm di bơta dòp git Kơnràñ la Bơtau neh hòi sac bol he tòm bơta gơklŏ mơ bơta kơ̆ dơn Kơnràñ dê.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.