Philip 3:10 - Sră Goh 2018

¹⁰ nàng añ in rgơi geh git Bơtau Krist mơ gơnap gơnoar bơta kis wơl Kơnràñ dê, mơ geh pơnah tòm bơta jê sồt Kơnràñ dê, lơh añ in gơlik gơs be Kơnràñ tòm bơta chơt Kơnràñ dê,

Philip 3:10 Mawu Ofanana

Jeremi 9:23

Yàng Jehôwa đơs be do: “Cau jak bañ jòng să bơh bơta jak chài bol khai dê; Cau pràn bañ jòng să bơh bơta pràn bol khai dê; Cau pas bañ jòng să bơh bơta pas bol khai dê.

Mathiơ 20:23

Kơnràñ đơs lah: “Ngan bol mê rơp hùc mơngàn Añ, mơ dô nă nggui đah ma, dô nă nggui đah kiau Añ, gen ò di la Añ gơs gơnoar ai, mơya tiah hơ̆ ală cau lơi mơ bơta hơ̆ neh geh Bèp Añ rcang lài bol khai in.”

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 17:3

Bơta kis gam sùm sùm la dòp git Bèp, la Yàng Tom Trồ song ngan mơ gơs mìng dô nă lơm, bal mơ Jesu Krist mơ Bèp neh sồr lòt tus.

Rôma 8:17

Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

Rôma 8:29

Bơh ală cau Kơnràñ neh git lài, gen Kơnràñ kung neh lơh nền lài nàng bol khai in gơlik gơs be rùp să Kòn Kơnràñ dê, tồ Kòn hơ̆ lơh gơs kòn tơnhoa ơm digùl oă oh mi;

Rôma 8:36

Be neh cih lah: “Tài bơh Yàng tàng bol he kong cau tơnchơt ngai mho; Bol khai sền bol he be belàt cau neh lơh nền nàng lơh poac.”

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

II Kôrintô 1:5

Bơh be ală bơta jê sồt Bơtau Krist dê bềng lìu tòm bol hi be lơi, gen bơta pơndòm pơniang bol hi dê bơh Bơtau Krist kung bềng lìu behơ̆ sơl.

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 6:17

Bơh do jơl hìng nau bañ gơs cau lơi lơh bòl glar kalke añ in tai, bơh să jan añ neh gơs tềl sồt Yàng Jesu dê.

Ephesô 4:13

jơl tus di tŭ jơh tơl nă bol he tus dê bơta dô bă bal bơta dòn dê, mơ bơta git jak bơh Kòn Yàng Tom Trồ, mơ gơlik gơs cau dờng, geh sơnoa be rùp să jat bơta bềng tơl Bơtau Krist dê,

Philip 3:8

Ngan behơ̆, añ sền jơh ală bơta kung be bơta roh lơm, bơh bơta dòp git Yàng Jesu Krist, Yàng añ jê, la dờng màng rlau jơh; bơh Kơnràñ mơ añ neh sang lòi jơh ală cồng nha hơ̆. Añ sền ală bơta hơ̆ kung be thul ơmul tồ añ in dòp geh Bơtau Krist,

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

Kôlôse 2:13

Ai oh mi, tòm tŭ neh chơt bơh bơta tìs glài oh mi dê mơ bơh bơta ò siat gơltau poac să oh mi dê, gen Kơnràñ neh lơh oh mi in kis bal mơ Bơtau Krist, bơh Kơnràñ neh toh jơh ală bơta tìs glài bol he dê.

Kôlôse 3:1

Behơ̆ dilah oh mi neh geh kis wơl bal mơ Bơtau Krist, gen jòi jat tĕ ală bơta hơđang trồ, la tiah Bơtau Krist nggui đah ma Yàng Tom Trồ.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,

II Pier 1:13

Añ gam ơm tòm să jan do kàr lơi, gen añ kơlôi ngan la añ ai jơnau bơto tơngkah nàng chồl nùs oh mi,

I Jang 2:3

Dilah bol he prap gàr ală bơta sồr lam Kơnràñ dê, gen bơh hơ̆ bol he git nền lah bol he dòp git Kơnràñ.

I Jang 2:5

Mơya cau lơi prap gàr jơnau Yàng Jesu dê, gen ngan nùs kòñ gơboh Yàng Tom Trồ dê la wil tơl tòm cau hơ̆. Bơh bơta do bol he git nền lah he ơm tòm Kơnràñ:

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.