Philip 3:1 - Sră Goh 2018

¹ Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Philip 3:1 Mawu Ofanana

I Yal Yau 15:28

Behơ̆, jơh Israel neh cèng Đài Ho Bal Yàng Jehôwa dê, bal mơ ală jơnau driau dờng hòn chò bal mơ ntas cau uh ngke be dam mơ ală kơlwòk, tur cing dềt pĕ mơ rơs ală kơñi.

I Yal Yau 16:10

Gơklŏ sơnđan sàng goh Kơnràñ dê; Lòi tĕ nùs ală cau jòi jat Yàng Jehôwa geh hòn chò.

I Yal Yau 29:22

Mơ bol khai sa mơ ñô di đap mat Yàng Jehôwa tòm ngai hơ̆ gơs bơta hòn chò dờng. Bol khai pồ bơtào Salômôn kòn klau Dabit gơs bơtau dơ̆ bàr; bol khai bong mơñà khai lơh gơs bơtau at bồ, mơ Jadôk gơs cau gơnoar ơn phan duh khoai.

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Sră Jop 22:26

Gen ồng rơp geh hòn chò di Bơtau Gơnap Gơnoar Làm Jơh, Mơ rơp pò mat ồng dê tơnggòr hơ Yàng Tom Trồ.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 32:11

Ơ ală cau song ring, chò hòp mơ hòn chò tĕ tòm Yàng Jehôwa! Ơ ală cau gơs nùs song ngan, driau dờng mơ hòn chò tĕ!

Đơs Crih 33:1

Ơ ală cau song ring, hòn chò tĕ tòm Yàng Jehôwa! Bơta jòng ro di pal mơ cau song ngan.

Đơs Crih 37:4

Hừh hơh tĕ tòm Yàng Jehôwa, Gen Kơnràñ rơp ai mê in bơta mơ nùs mê kơp kòñ.

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.

Đơs Crih 5:11

Mơya lòi jơh ală cau lơi in kìng crŭ să he tòm Kơnràñ gen geh hòn chò, Lòi bol khai đơs chò hòn chò sùm; Dan Yàng sền gàr bol khai, Nàng cau lơi kòñ gơboh di sơnđan Kơnràñ dê, rơp hòn chò tòm Kơnràñ.

Đơs Crih 97:1

Yàng Jehôwa at bồ; lòi plai ù hòn chò tĕ, Lòi jơh ală bồt pơlào chò hòp tĕ!

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 65:14

Ală cau duh broă Añ rơp đơs chò bơh nùs bềng bơta chò hòp, mơya bol mê rơp ñìm rac bơh nùs moat jrùng, rac ròc bơh hwềng nùs sràt bơtang.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Sôphôni 3:14

Ơ Kòn ùr Siôn, đơs chò dờng tĕ! Ơ Israel, driau dờng tĕ! Ơ Kòn ùr Jerusalem, jơh nùs tĕ chò hòp mơ hòn chò.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sacari 10:7

Cau Epraim rơp gơlik gơs kung be ală cau ling jak tòmlơh, mơ nùs bol khai rơp chò hòp kung be cau ñô tơrnòm. Kòn sau bol khai rơp gŏ bơta hơ̆ mơ chò hòp; nùs bol khai dê rơp geh hừh hơh tòm Yàng Jehôwa.

Mathiơ 5:12

Hòn chò hừh hơh tĕ, bơh phan ƀàn bol mê dê la dờng hơđang trồ; bơh ală cau gơnoar hwơr lài mơ bol mê kung neh kong cau kup kơryan behơ̆ sơl.”

Luka 1:47

Hwềng nùs añ hòn chò tòm Yàng Tom Trồ la Yàng Dong klàs añ jê.

Rôma 5:11

Ò di mìng behơ̆ lơm, mơya bol he kung hòn chò tòm Yàng Tom Trồ la bơh Yàng Jesu Krist bol he dê, bơh Kơnràñ mơ bol he gơlik gơs bơyô Yàng Tom Trồ dê.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 16:11

Mơ hòn chò tĕ di đap Jehôwa Yàng Tom Trồ bol mê dê di tiah Kơnràñ rơp sac rwah lơh gơs tiah ơm sùm sơnđan Kơnràñ dê; bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, ală cau Lebi ơm tòm ală ƀòn dờng bol mê dê, ală cau làng bol bơdìh, ală cau kòn đòi mơ ală cau ùr bơnrau ơm kis digùl bol mê.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Tesalônika 5:16

Hòn chò tĕ sùm sùm.

Jakơ 1:2

Ơ oh mi añ jê, tòm tŭ oh mi tìp li bơta gơlòng bòl glar gen sền tĕ jơh ală bơta hơ̆ be la bơta hòn chò dờng,

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

I Pier 4:13

Mơya oh mi gơs pơnah tòm bơta bòl glar jê sồt Bơtau Krist dê kàr lơi, gen hòn chò tĕ kàr hơ̆, tồ tus di ngai bơta gơklŏ Kơnràñ dê geh ràng tơlik, gen oh mi kung geh hòn chò ò git lơh.

II Pier 3:1

Ơ ală cau kòñ gơboh, do la sră pơyoa dơ̆ bàr añ cih oh mi in. Tòm bàr sră pơyoa añ tơngkah wơl nàng chồl nùs kơlôi song ngan oh mi dê,

I Samuel 2:1

Gen Anne hòi dan mơ đơs lah: “Nùs añ hừh hơh tòm Yàng Jehôwa; bơta pràn kơldang añ jê geh yò tơngguh tòm Yàng Tom Trồ añ jê. Bơr añ dơñŏ tơnhial di ală cau sò tơm añ jê, bơh añ hòn chò tòm bơta pha lin añ jê.