Philip 2:9 - Sră Goh 2018

⁹ Tài bơh hơ̆ tàng Yàng Tom Trồ neh yò tơngguh Kơnràñ hơđang jòng rlau jơh mơ ală sơnđan;

Philip 2:9 Mawu Ofanana

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Đơs Crih 110:5

Yàng Jehôwa ơm đah ma mê; Kơnràñ rơp lơh bơcah lề ală cau bơtau tòm ngai Kơnràñ gơhào gơjrañ.

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Đơs Crih 91:14

Yàng Tom Trồ đơs lah: “Tài bơh khai kòñ gơboh đềt mềr dê Añ, gen tàng Añ rơp dong tă khai; Añ rơp sền gàr khai bơh khai git sơnđan Añ.

Esai 52:13

Do, cau duh broă Añ rơp la cau pas gơs; Khai rơp geh yò tơngguh, mơ geh jòng ro hơđang rlau jơh.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Daniel 7:14

Kơnràñ geh Bơtau Yau Òr jào gơnoar, bơta gơklŏ mơ gơnoar at bồ lơgar tồ jơh ală làng bol, ală lơgar, mơ ală jơnau đơs pal duh khoai Kơnràñ. Gơnoar at bồ Kơnràñ dê kơ̆ nền gam sùm sùm, gơnoar hơ̆ ò tŭ lơi lồi jơh, mơ lơgar Kơnràñ at bồ ò gơs tŭ lơi gơkòl tơnroh.”

Mathiơ 11:27

Bèp Añ neh jào jơh ală bơta Añ in; rlau mơ Bèp, ò gơs cau lơi git Kòn. Rlau mơ Kòn, cau lơi Kòn kòñ yal tơlik, kung ò gơs cau lơi git Bèp.

Mathiơ 28:18

Yàng Jesu tus, đơs mơ bol khai lah: “Jơh gơnoar hơđang trồ mơ tòm ù neh jào Añ in.

Luka 10:22

Bèp Añ jào jơh ală bơta Añ in; rlau mơ Bèp ò gơs cau lơi git Kòn la ñcau; rlau mơ Kòn mơ cau lơi Kòn kòñ yal tơlik gen kung ò gơs cau lơi git Bèp la ñcau sơl.”

Jang 13:3

Yàng Jesu git lah Bèp neh jào jơh ală bơta tòm tê Kơnràñ, mơ Kơnràñ bơh Yàng Tom Trồ mơ tus, kung rơp rê wơl hơ Yàng Tom Trồ,

Jang 17:11

Añ ò ơm tòm dunnia tai, Añ rê wơl hơ Bèp, mơya bol khai gam ơm tòm dunnia. Ơ Bèp sàng goh, dan sền gàr bol khai tòm sơnđan Bèp la sơnđan Bèp neh ai Añ in, nàng bol khai in gơs dô bă bal kung be bol he sơl.

Jang 17:12

Tòm tŭ Añ gam ơm mơ bol khai, Añ sền gàr bol khai tòm sơnđan Bèp la sơnđan Bèp neh ai Añ in; Añ neh sền gàr bol khai ò gơs dô nă cau lơi roh, gơs mìng dô nă kòn bơta roh rui dê, tồ Sră Goh in gơlik di ngan.

Jang 17:5

Ơ Bèp, tŭ do dan ai bơta gơklŏ Añ neh geh bal mơ Bèp lài mơ tŭ òhềt gơs dunnia, nàng lơh gơklŏ Añ in di đap Bèp.

Broă 5:31

Yàng Tom Trồ neh yò tơngguh Kơnràñ hơ̆ hơ đah ma Yàng Tom Trồ, lơh gơs Bơtau mơ Yàng Dong Klàs nàng ai làng bol Israel in tŭ gơjrañ sang glài mơ geh toh glài.

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

II Tesalônika 1:12

tồ lơh gơklŏ àng sơnđan Yàng Jesu bol he dê tòm oh mi, mơ oh mi tòm Kơnràñ, jat be bơta nđàc Yàng Tom Trồ dê mơ Yàng Jesu Krist bol he dê.

Hebrơ 1:4

Kơnràñ gơlik gơs dờng màng rlau mơ ală cau gơnrơh, gen sơnđan Kơnràñ kung geh pơrdòn la màng ryŭ rlau mơ ală cau gơnrơh behơ̆ sơl.

Hebrơ 1:9

Kơnràñ kòñ gơboh di bơta song ring, gơjrañ kơuềng di bơta ò jat bơta boh lam. Gen tàng Yàng Tom Trồ, la Yàng Tom Trồ Kơnràñ dê, neh bong mơñà Kơnràñ in mơ mơñà bơta hòn chò, Rlau mơ ală gơp bơyô Kơnràñ dê.”

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 2:9

Mơya bol he gŏ Yàng Jesu, la Bơtau kong tơnliah hơđơm cau gơnrơh dô êt jŏ, bơh bơta nđàc Yàng Tom Trồ dê mơ Kơnràñ kong chơt tơl nă cau in. Tŭ do bol hi sền gŏ Kơnràñ geh tơndau sơgơn bơtau gơklŏ mơ ryŭ ryơm, tài bơh neh kong bòl glar bơh bơta chơt.

I Pier 3:22

la Bơtau neh guh hơ trồ, tŭ do ơm nggui đah ma Yàng Tom Trồ; ală cau gơnrơh, ală gơnoar at bồ, mơ ală gơnoar pràn dòn duh Kơnràñ.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”

III Jang 1:7

Hơ̆ la tài bơh sơnđan Yàng mơ bol khai lik lòt, mơ ò dòp leng phan lơi bơh cau bơdìh.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”

Yal Tơlik 19:16

Hơđang ào mơ di bơnô Kơnràñ dê gơs cih dô sơnđan lah: BƠTAU ALĂ BƠTAU DÊ MƠ YÀNG ALĂ YÀNG DÊ.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”