Philip 2:8 - Sră Goh 2018

⁸ Kơnràñ neh gơs rùp să be dô nă cau, gen pìn pơndêt is să he, dòn bơr jơl chơt, tian gơs chơt hơđang chi pơng.

Philip 2:8 Mawu Ofanana

Đơs Crih 22:16

Ngan ală so gòm gơrwàng gùt dar añ, Dô mpồl cau iơh bơsak gòm gơrwàng añ; Bol khai hwit bluh tê mơ jơng añ.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Mathiơ 17:2

Kơnràñ srơh să di dap bol khai, muh mat Kơnràñ àng gơcrà be mattơngai, ào Kơnràñ gơlik bò be bơta àng.

Mathiơ 26:39

Gen Kơnràñ lòt dô êt cơnđòa tai, blup mat tòm ù mơ hòi dan lah: “Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.”

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Luka 9:29

Tòm tŭ Kơnràñ hòi dan, muh mat Kơnràñ gơtòmgơl, ào Kơnràñ gơlik bò àng gơcrà lul.

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Jang 14:31

Mơya nàng dunnia in git lah Añ kòñ gơboh di Bèp, mơ Bèp neh sồr Añ be lơi gen Añ lơh jat behơ̆. Ntào tĕ, bol he lòt bơh do.”

Jang 15:10

Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê.

Jang 4:34

Yàng Jesu đơs lah: “Phan sa Añ jê hơ̆ la lơh jat nùs kòñ Bơtau neh sồr Añ lòt tus, mơ lơh sir broă Kơnràñ dê.

Broă 8:33

Tòm tŭ Khai kong dơñŏ tơnhial, gen bơta song ring neh kòl tă tòmpìt rau. Ñcau rgơi đơs bơh jơi bơtiàn khai dê taih? Bơh bơta kis Khai dê neh kòl tă tơlik bơh di ù rau.”

Rôma 5:19

Ngan behơ̆, bơh bơta ò dòn bơr dô nă cau dê, tàng oă cau in gơlik gơs cau glài be lơi, gen kung behơ̆ sơl, bơh bơta dòn bơr dô nă cau dê, tàng oă cau in geh Yàng Tom Trồ kòp la song ring.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Yal Wơl 21:23

gen bol mê bañ lòi ƀồc khai dê hơđang chi mang àng. Lơh nền tĕ tơp khai tòm ngai hơ̆, tài bơh dô nă cau kong yồng hơđang jrong la ơm hơđơm bơta srat sơntơm Yàng Tom Trồ dê. Bol mê bañ lơh ƀơ̆ ƀơl ù tiah mơ Jehôwa Yàng Tom Trồ bol mê dê ai bol mê in lơh gơs sre brê.”

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 12:4

Oh mi tòmdră mơ tồi glài tian gơs òhềt hòr mhàm;

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.