Philip 2:7 - Sră Goh 2018

⁷ Kơnràñ neh sang lòi is să he, ai rùp să be cau dĭ gơna, mơ gơlik gơs be kòn mơnus.

Philip 2:7 Mawu Ofanana

Đơs Crih 22:6

Mơya añ la dô nơm tu, ò di la kòn mơnus, La bơta ƀàssìl kòn mơnus dê mơ la phan sền òsơp làng bol dê.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 49:3

Kơnràñ đơs mơ añ lah: “Mê la cau duh broă Añ, tòm Israel Añ rơp geh bơta gơklŏ bơh mê.”

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Sacari 3:8

Tŭ do iat tĕ, ơ Jôsua cau gơnoar dờng lam bồ ơn phan duh khoai, mơ ală cau bal mơ mê nggui di đap mê la ală cau lơh rùp sơnio bơh ală bơta rơp tus: Añ rơp cèng cau duh broă Añ jê la Ntê Chi.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Mathiơ 12:18

“Ne, Cau Duh Broă Añ, la Cau Añ neh sac rwah, La Cau kòñ gơboh Añ jê, niam nùs Añ tòm jơh ală bơta. Añ rơp ai Hwềng Goh Añ ơm hơđang Khai, Mơ Khai rơp yal bơta cahrña song ngan làng bol Bơdìh in.

Mathiơ 20:28

Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Jơnau Niam Jat Mak 9:12

Kơnràñ ho lah: “Ngan Eli pal tus lài bơtào wơl jơh ală bơta. Ai jơnau neh cih bơh Kòn Mơnus lah Kơnràñ pal kong oă bơta bòl glar mơ gơkòl sền òsơp gen mbe lơi taih?

Luka 22:27

Bơh cau nggui di cơnòng mơ cau duh broă, ñcau la dờng rlau taih? Ò di la cau nggui di cơnòng ò ơ? Mơya Añ ơm digùl bol mê be cau duh broă.

Jang 1:14

Bơtau Jơnau neh gơlik gơs poac să, ơm digùl bol he, bềng bơta nđàc mơ jơnau song. Bol he neh sền gŏ bơta gơklŏ Kơnràñ dê, kung be bơta gơklŏ Kòn Dùl dê tus bơh Bèp.

Rôma 1:3

Hơ̆ la Jơnau Niam bơh Kòn Kơnràñ, Yàng Jesu Krist la Yàng bol he dê, jat poac să geh deh bơh jơi bơtiàn Dabit dê,

Rôma 15:3

Bơh Bơtau Krist kung ò lơh niam nùs să tòm Kơnràñ sơl, be neh cih lah: “Ală jơnau bơtat bơtròh cau đơs bơtat bơtròh di Yàng, gơ neh tuh hơđang Añ.”

Rôma 15:8

Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in,

Rôma 8:3

Bơh bơta lơi bơta boh lam lơh ò jai, la tài bơh poac să lơh bơta boh lam in gơlik gơs pùh lơbơn, gen Yàng Tom Trồ neh lơh rau; Kơnràñ neh bơh tồi glài tàng sồr Kòn tòm Kơnràñ dê ai poac să tòm toh be poac să tồi glài, mơ neh lơh nền glài tồi glài in tòm poac să,

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Philip 2:6

Kơnràñ neh gơs rùp să be Yàng Tom Trồ, mơya Kơnràñ ò sền bơta ring bal mơ Yàng Tom Trồ la bơta pal sơmbat prap;

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.