Philip 2:5 - Sră Goh 2018

⁵ Oh mi gơs tĕ nùs kơlôi be Yàng Krist Jesu neh gơs.

Philip 2:5 Mawu Ofanana

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Luka 22:27

Bơh cau nggui di cơnòng mơ cau duh broă, ñcau la dờng rlau taih? Ò di la cau nggui di cơnòng ò ơ? Mơya Añ ơm digùl bol mê be cau duh broă.

Broă 10:38

mbe lơi Yàng Tom Trồ neh bong mơñà Yàng Jesu Cau Nasaret in mơ Yàng Hwềng Goh bal mơ gơnap gơnoar, lồc behơ̆ Kơnràñ lòt làm jơh, lơh broă lơbơn niam mơ sơmbòi jơh ală cau cà ràk bơklơn, bơh Yàng Tom Trồ ơm bal mơ Kơnràñ.

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Rôma 14:15

Dilah bơh phan sa mơ mê lơh oh mi he in moat jrùng, gen mê ò tai lơh lòt jat bơta kòñ gơboh ò. Bañ tài bơh phan sa mơ lơh roh rui cau mơ Bơtau Krist neh kong chơt ala.

Rôma 15:3

Bơh Bơtau Krist kung ò lơh niam nùs să tòm Kơnràñ sơl, be neh cih lah: “Ală jơnau bơtat bơtròh cau đơs bơtat bơtròh di Yàng, gơ neh tuh hơđang Añ.”

Rôma 15:5

Dan Bơtau ai bơta kơ̆ nền mơ bơta chồl pơndòm Yàng Tom Trồ dê dong oh mi in geh dô nùs kơlôi bal be Yàng Krist Jesu,

I Kôrintô 10:33

Kung be añ, lơh niam nùs jơh ală cau tòm jơh ală bơta, ò di jòi cồng nha is añ in, mơya jòi cồng nha oă cau in, nàng bol khai geh dong klàs.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

I Pier 2:21

Oh mi neh geh hòi sac tus hơ bơta hơ̆, tài bơh Bơtau Krist kung neh kong bòl glar jê sồt ala oh mi nàng lòi wơl ală oh mi in dô nơm krơh, tồ ală oh mi lòt jat tềl jơng Kơnràñ dê.

I Pier 4:1

Behơ̆, bơh Bơtau Krist neh kong bòl glar jê sồt tòm poac să, gen oh mi kung pal ai bơta kơlôi sơnơng behơ̆ be phan tòmlơh, bơh cau lơi neh kong bòl glar jê sồt tòm poac să gen neh geh gơltac bơh tồi glài,

I Jang 2:6

Cau lơi đơs lah he ơm sùm tòm Yàng Jesu, gen cau hơ̆ kung pal lơh lòt be Kơnràñ neh lơh lòt sơl.