Philip 2:27 - Sră Goh 2018

²⁷ Ngan, khai kòp mòr chơt, mơya Yàng Tom Trồ neh kòñ nđàc di khai, ò di mìng dô nă khai lơm ò, mơya kung di añ sơl, tồ añ in klàs di bơta moat jrùng sơlo gơbơtơl moat jrùng tai.

Philip 2:27 Mawu Ofanana

II Ală Bơtau 20:1

Tòm ală ngai hơ̆, Ejekia gơlơh kòp mòr chơt. Cau gơnoar hwơr Esai, kòn klau Amôs, lòt tus hơ khai mơ đơs lah: “Yàng Jehôwa đơs be do: ‘Rơndap niam tĕ hìu nhă mê, bơh mê rơp chơt, ò kis tai.’”

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Đơs Crih 34:19

Cau song ring gơkòl oă bơta bòl glar kalke, Mơya Yàng Jehôwa dong tă khai bơh di jơh ală bơta hơ̆.

Esai 27:8

Bơh bơta bơtrơh tơlik mơ bơta kup cèng, Kơnràñ tòm pơndang tòmdră mơ bol khai, Kơnràñ ngui nhơm càl khồm pơrdô bol khai tòm ngai gơs càl đah mattơngai lik khồm.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Jeremi 10:24

Khoai Yàng Jehôwa, dan Yàng lơh glài tơmàl añ jat kơr sơnoa; Ò di tòm bơta gơjrañ Kơnràñ dê, hala cèng añ tus hơ bơta roh rui.

Jeremi 45:3

Mê neh đơs: ‘Bòl glar añ in, bơh Yàng Jehôwa bơtơl bơta moat jrùng jê sồt añ in; añ lơgah lơgañ bơh bơta rơnđơh rơnđềng, ò geh rlô bòl!’”

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Broă 9:37

Tòm ală ngai hơ̆, khai kòp mơ chơt, cau tơnum ƀồc khai, gen tơmbic khai tòm dô nơm ơdŭ tap hơđang.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

II Kôrintô 2:7

gơpơrlơ̆ wơl chan toh glài khai mơ pơndòm pơniang khai, rngòt khai gơplơ̆ nùs bơh bơta moat jrùng dờng ngan mòn.

Philip 2:26

Bơh khai kòñ ngan gŏ jơh ală oh mi, mơ khai neh kơlôi moat tài bơh oh mi kơno khai kòp jê.

Philip 2:28

Behơ̆ añ neh mhar mhar sồr khai lòt tồ oh mi in gŏ khai mơ hòn chò, mơ añ kung rài bơta moat jrùng sơl.

Philip 2:30

tài bơh broă Bơtau Krist dê mơ khai neh mòr chơt, phi bơta kis khai dê nàng lơh wil tơl bơta duh broă mơ oh mi ò rgơi lơh añ in.