Philip 2:26 - Sră Goh 2018

²⁶ Bơh khai kòñ ngan gŏ jơh ală oh mi, mơ khai neh kơlôi moat tài bơh oh mi kơno khai kòp jê.

Philip 2:26 Mawu Ofanana

II Samuel 13:39

Mơ nùs nhơm bơtau Dabit kah kơlôi bơh Apsalôm, bơh bơtau neh rài bơta moat jrùng bơh bơta chơt Amnôn dê.

II Samuel 24:17

Tòm tŭ Dabit gŏ cau gơnrơh tơnroh làng bol, gen đơs mơ Yàng Jehôwa lah: “Mìng dô nă añ la cau neh tìs glài, mơ mìng dô nă añ la cau neh lơh bơta iơh bơsak; mơya jơh ală belàt do, ñchi bol khai neh lơh? Añ hòi dan tê Yàng dê, tòmdră mơ añ mơ hìu bèp añ jê.”

Sră Jop 9:27

Dilah añ đơs: ‘Añ rơp hŭi bơta ƀoah pơrhiat añ jê, Añ rơp tă sang muh mat moat jrùng añ jê mơ gơlik chò hòp.’

Đơs Crih 69:20

Bơta bơtat bơtròh lơh jê sồt nùs añ, tài bơh hơ̆ añ roh jơh bơta gơn kơnòm. Añ jòi bơta nđàc sơngit, mơya ò gơs; Añ jòi cau pơndòm pơniang, mơya ò bàn.

Jơnau Pơnđik 12:25

Bơta moat jrùng lơh kơnjơ̆ nùs; Mơya dô jơnau đơs niam lơh nùs chò hòp.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Mathiơ 11:28

Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 26:37

Kơnràñ lam Pier mơ bàr nă kòn Sebede dê lòt bal, Kơnràñ moat jrùng mơ dơrcul ngan.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Rôma 1:11

Bơh añ kơp kòñ ngan lòt còp oh mi nàng tòmpà oh mi in bơta ai gòi đah hwềng, tồ oh mi in geh kơ̆ nền,

Rôma 12:15

Chò tĕ bal mơ cau chò, ñìm tĕ bal mơ cau ñìm.

Rôma 9:2

Añ moat jrùng ngan, nùs añ jê sồt sùm ò dơh.

I Kôrintô 12:26

Behơ̆, dilah dô pơnah lơi kong jê sồt, gen jơh ală pơnah ndai kong jê sồt bal mơ gơ, hala dilah dô pơnah lơi geh jòng ro, gen jơh ală pơnah ndai kung hòn chò bal mơ gơ.

II Kôrintô 9:14

Mơ să tòm bol khai kung bơh bơta nđàc dờng ơnàng ngan Yàng Tom Trồ dê tòm oh mi, jơh nùs kòñ gơboh, mơ hòi dan oh mi in.

Galati 6:2

Àñ tĕ ơnòng kơnjơ̆ bal mơ gơp, behơ̆ sồng oh mi lơh jat wil tơl bơta boh lam Bơtau Krist dê.

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Philip 1:3

Kòp dơ̆ añ kah oh mi gen añ ưnngài Yàng Tom Trồ añ jê;

Philip 1:8

Bơh Yàng Tom Trồ lơh cơng añ in lah ngan añ kòñ gơboh di jơh ală oh mi bơh nùs nhơm Yàng Krist Jesu.

Philip 2:25

Añ neh kơlôi lah pal sồr Epaphrôdik lòt tus hơ oh mi, khai la oh mi bơyô añ jê lơh broă bal mơ añ, cau ling dô mpồl bal mơ añ; khai kung la cau kong sồr oh mi dê nàng rcang ală phan ngui sa añ in.

Philip 2:27

Ngan, khai kòp mòr chơt, mơya Yàng Tom Trồ neh kòñ nđàc di khai, ò di mìng dô nă khai lơm ò, mơya kung di añ sơl, tồ añ in klàs di bơta moat jrùng sơlo gơbơtơl moat jrùng tai.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

I Pier 1:6

Hòn chò tĕ bơh bơta hơ̆, bulah tŭ do oh mi pal kong li bơta gơlòng bòl glar tòm dô êt jŏ,