Philip 2:19 - Sră Goh 2018

¹⁹ Añ gơn kơnòm di Yàng Jesu, añ kơp kòñ sồr Timôthe mhar tus hơ oh mi tồ añ in geh iang tòm nùs tòm tŭ kơno ală bơta bơh oh mi.

Philip 2:19 Mawu Ofanana

Jeremi 17:5

Yàng Jehôwa đơs be do: “Pal srat rma ngan cau lơi in dòn kơnòm di kòn mơnus, lơh pràn kơldang poac să bol khai dê, Nùs bol khai neh ơm ngài bơh Yàng Jehôwa.

Mathiơ 12:21

Mơ ală làng bol bơdìh rơp gơn kơnòm di sơnđan Khai.”

Broă 16:1

Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

Rôma 15:12

Esai kung neh đơs lah: “Rơp gơs ryas Jese gơcat, Hơ̆ la Bơtau rơp guh at bồ ală làng bol bơdìh; Ală làng bol bơdìh rơp gơn kơnòm di Kơnràñ.”

Rôma 16:21

Timôthe, la cau bơyô lơh broă bal mơ añ, còp să oh mi; Lusius, Jasôn mơ Sôsipater la cau gơp bơtiàn añ kung behơ̆ sơl.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Philip 1:1

Pol mơ Timôthe, dĭ gơna Yàng Jesu Krist dê, pơyoa jơh ală cau sàng goh in tòm Yàng Krist Jesu, la cau ơm tòm ƀòn Philip, bal mơ ală cau gơnoar bơto mơ ală cau dong gàr in:

Philip 2:18

Oh mi kung behơ̆ sơl, chò hòp tĕ mơ hòn chò tĕ bal mơ añ.

Philip 2:28

Behơ̆ añ neh mhar mhar sồr khai lòt tồ oh mi in gŏ khai mơ hòn chò, mơ añ kung rài bơta moat jrùng sơl.

I Tesalônika 3:2

mơ sồr Timôthe la oh mi bol hi dê, la cau duh broă Yàng Tom Trồ tòm Jơnau Niam Bơtau Krist dê, lòt nàng lơh oh mi in geh kơ̆ nền mơ chồl pơndòm bơta dòn oh mi dê,

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

Jakơ 4:15

Di ngan oh mi pal đơs lah: “Dilah Yàng kòñ mơ bol hi gam kis, gen bol hi rơp lơh broă do broă ne.”

I Pier 1:21

Bơh Kơnràñ mơ oh mi dòn nền di Yàng Tom Trồ la Bơtau neh lơh Kơnràñ in kis wơl bơh bơta chơt, mơ ai bơta gơklŏ Kơnràñ in, tồ bơta dòn mơ bơta gơn kơnòm oh mi dê geh ơm tòm Yàng Tom Trồ.