Philip 2:17 - Sră Goh 2018

¹⁷ Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

Philip 2:17 Mawu Ofanana

Khà Làng Bol 28:6

Hơ̆ la phan ơn duh khoai chu pơrguc òs ơn neh bơtào gơs tòm mơnơm Sinai gơs ƀô bơlhu niam nùs, la dô nơm phan ơn duh khoai chu tòm ồs ơn Yàng Jehôwa in.’

Khà Làng Bol 28:7

Phan ơn pơdơng pơnjat bal la dô pơnah poan hin phan hùc gơs kañ bal mơ kòp nơm belàt. Tuh tĕ phan ơn pơdơng duh khoai Yàng Jehôwa in tòm Tiah Sàng Goh.

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

Broă 21:13

Mơya khai ho lah: “Ñchi oh mi lơh ñìm mơ lơh jê nùs añ behơ̆ taih? Bơh añ gơs nùs rcang sir ò di mìng kong cap lơm mơya kung gơs nùs rcang sir kong chơt tòm Jerusalem tài bơh sơnđan Yàng Jesu.”

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 4:12

Behơ̆ gen bơta chơt lơh broă tòm bol hi, mơya bơta kis lơh broă tòm oh mi.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

II Kôrintô 7:4

Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Philip 2:18

Oh mi kung behơ̆ sơl, chò hòp tĕ mơ hòn chò tĕ bal mơ añ.

Philip 2:30

tài bơh broă Bơtau Krist dê mơ khai neh mòr chơt, phi bơta kis khai dê nàng lơh wil tơl bơta duh broă mơ oh mi ò rgơi lơh añ in.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

I Tesalônika 2:8

Bol hi neh gơs nùs đềt mềr di oh mi, gen tàng bol hi gơs nùs hòn chò ngan ò di mìng tòmpà Jơnau Niam Yàng Tom Trồ dê oh mi in lơm, mơya tus di să tòm bol hi sơl. Bơh oh mi la cau bol hi kòñ gơboh ngan.

II Timôthe 4:6

Bơh añ neh kòl tuh tơlik be phan pơdơng rau, mơ ngai sang rài añ jê mòr rềp rau.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.