Philip 2:16 - Sră Goh 2018

¹⁶ be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Philip 2:16 Mawu Ofanana

Đơs Crih 40:9

Tòm mpồl jơnum dờng añ neh yal jơnau chò hòp bơh bơta dong tă; Ne, ơ Yàng Jehôwa, añ ò mềm bơr, be Kơnràñ neh git rau.

Đơs Crih 71:17

Ơ Yàng Tom Trồ, Kơnràñ neh bơto añ bơh di tŭ añ gam kơnòm, Jơl tus di tŭ do añ gam yal tơlik ală broă crih crài Kơnràñ dê.

Esai 49:4

Mơya añ neh đơs lah: “Añ neh lơh broă bòl glar ò bồ; añ neh roh pràn kơldang ò kwơ mơ roh lơm. Bulah behơ̆ bơta gơrềng tus di añ ơm tòm tê Yàng Jehôwa dê, mơ phan ƀàn añ jê la bal mơ Yàng Tom Trồ añ jê.”

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Luka 12:8

Añ kung đơs mơ bol mê, dilah cau lơi yal tơlik Añ di đap cau, gen Kòn mơnus kung rơp yal tơlik khai di đap cau gơnrơh Yàng Tom Trồ dê sơl;

Jang 6:63

Hơ̆ la hwềng ai bơta kis, poac să ò kwơ dô êt lơi. Ală jơnau Añ neh đơs mơ bol mê hơ̆ la hwềng mơ bơta kis.

Jang 6:68

Simôn Pier ho Kơnràñ lah: “Ơ Kơnràñ, bol hi rơp lòt jat ñcau taih? Kơnràñ gơs ală jơnau bơta kis gam sùm sùm dê.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

I Kôrintô 1:8

Yàng Tom Trồ rơp lơh ală oh mi in kơ̆ nền jơl tus di lồi dut nàng oh mi in ò gơs tiah geh lah pơrhơng tòm ngai Yàng Jesu Krist bol he dê.

I Kôrintô 9:26

Behơ̆ añ ntoat, ò di ntoat ò geh tơnggu; añ tòmlơh, ò di tòmlơh mơ càl:

II Kôrintô 1:14

kung be oh mi neh git wă dô êt bơh bol hi lah bol hi la bơta hòn chò oh mi dê, ò gơkrơi be oh mi kung la bơta hừh nùs bol hi dê tòm ngai Yàng Jesu bol he dê.

Galati 2:2

Añ neh lòt jat jơnau yal tơlik Yàng Tom Trồ dê mơ guh tềng hơ̆. Tòm bơta tìp is mơ ală cau gơnoar bơto dờng añ ràng tơlik bol khai in Jơnau Niam mơ añ neh bơto yal làng bol bơdìh in. Añ ò kòñ broă lơh añ jê lài òr mơ tŭ do gơlik gơs ò kwơ.

Galati 4:11

Añ rngòt añ neh kong bòl glar lơh broă gen gơlik gơs ò kwơ digùl oh mi mòn.

Philip 1:10

nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

I Tesalônika 2:19

bơh bơta gơn kơnòm, bơta hòn chò mơ bơta jòng să be sơgơn bơtau di đap Yàng Jesu bol he dê tòm tŭ Kơnràñ tus wơl la ñchi taih? Ò di la oh mi ò ơ?

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

Hebrơ 4:12

Bơh jơnau Yàng Tom Trồ dê la jơnau kis, ƀă tàm, sồt rlau mơ đào bàr đah mat, srơp bluh tian gơs cah is hwềng soàn, hwềng nùs, kồ mơ khu, sền sơwì bơta kơlôi sơnơng mơ bơta lơh nền tòm nùs.

I Pier 1:23

Oh mi neh geh deh wơl pa, ò di bơh gar sơntìl ồm lề, mơya bơh gar sơntìl ò ồm lề, hơ̆ la jơnau kis gam sùm mơ nền cê Yàng Tom Trồ dê.

I Jang 1:1

Jơnau bol hi cih oh mi in la jơnau bơta kis la bơta neh gơs bơh sơnròp, la bơta bol hi neh kơno, mat bol hi neh gŏ, bơta bol hi neh sền, mơ tê bol hi neh ƀư, bơh Jơnau bơta kis,

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.