Philip 2:15 - Sră Goh 2018

¹⁵ tồ ală oh mi in ò gơs tiah geh lah pơrhơng mơya song ngan, lơh gơs kòn sau Yàng Tom Trồ dê ò sồt rmàñ ơm digùl jơi bơtiàn rkwet rkwe mơ jak tòmdră, digùl bol khai oh mi pal sòl pơnđàng kung be ală sơmañ àng tòm dunnia,

Philip 2:15 Mawu Ofanana

Đơs Crih 122:5

Tềng hơ̆ bơtào ală sơbàn cahrña, la ală sơbàn hìu nhă Dabit dê.

Lik Ejiptơ 34:35

Làng bol Israel sền gŏ muh mat Môise àng lơr, gen Môise ai chèo jơm gòm muh mat khai dê jơl tus di tŭ lơi mut tòmbơhbơr mơ Yàng Jehôwa.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Jơnau Pơnđik 8:8

Ală jơnau bơr añ đơs la song ring, Ò gơs bơta rkwet rkwe hala lac lèo tòm gơ.

Esai 60:1

Guh tĕ, pơnđàng sòl tĕ, bơh bơta àng mê dê neh tus, mơ bơta gơklŏ Yàng Jehôwa dê neh pơnđàng hơđang mê.

Daniel 6:4

Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Mathiơ 17:17

Yàng Jesu ho lah: “Ơ jơi bơtiàn ò dòn mơ kơldang bồ ne, Añ kong ơt mơ bol mê jơl tus di tŭ lơi taih? Cèng tĕ kòn hơ̆ tus tềng do Añ in.”

Mathiơ 5:45

nàng bol mê in lơh gơs kòn Bèp bol mê dê ơm hơđang trồ, bơh Kơnràñ sồr mattơngai lik pơnđàng cau iơh bơsak in mơ cau lơbơn niam in sơl, ai mìu cau song ring in mơ cau ò song ring in sơl.

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

Broă 20:30

Bơh digùl oh mi kung rơp gơs ală cau bơtào tơngguh mơ bơto jơnau tìs nrah nàng pơndòm pơrlồm cau dòn lòt jat bol khai.

Rôma 16:19

Bơta dòn bơr oh mi dê neh pơnro làm jơh, behơ̆ tàng añ hòn chò bơh oh mi: mơya añ kòñ oh mi jak chài đah bơta niam mơ sàng goh ò lơh bơta iơh bơsak.

I Kôrintô 1:8

Yàng Tom Trồ rơp lơh ală oh mi in kơ̆ nền jơl tus di lồi dut nàng oh mi in ò gơs tiah geh lah pơrhơng tòm ngai Yàng Jesu Krist bol he dê.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Yal Wơl 32:5

mơ ală kòn sau neh lơh blac pơrlồm gơwèt mơ Kơnràñ, dô jơi bơtiàn kră kơldang mơ lac lèo,

Philip 1:10

nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 3:6

bơh nùs ngac ngar gen la cau kup kơryan Hìu Jum Goh, ai bơh bơta song ring bơta boh lam dê gen ò gơs tiah geh lah pơrhơng.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

I Timôthe 3:10

Ală cau hơ̆ kung pal kong bơta lòng lài sơl, dilah ò gơs tiah geh lah pơrhơng, gen sồng lòi bol khai lơh gơs cau dong gàr hìu jum.

I Timôthe 3:2

Behơ̆ cau gơnoar bơto pal ngan ò gơs tiah geh lah pơrhơng, la cau klau gơs mìng dô nă bau ùr lơm, git kơrhia, ngac ngar, geh ki ngàm, git wă rò nac, mơ git bơto sồr niam.

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

I Timôthe 5:20

Cau tìs glài, gen lah pơrhơng tĕ bol khai di đap jơh ală cau nàng lơh cau ndai in rngòt.

I Timôthe 5:7

Ai tĕ ală bơta hơ̆ nàng bơto kràñ cê bol khai in, tồ bol khai in ò gơs tiah geh lah pơrhơng.

Sră Pơyoa Pol Dê Pơyoa Tit In 1:6

Cau kwang kra pal la cau ò gơs tiah geh lah pơrhơng, la cau klau gơs mìng dô nă bau ùr lơm, kòn sau kung pal dòn Yàng mơ ò gơkòl cau yă bơh bung jang hala ò dòn bơr.

Sră Pơyoa Pol Dê Pơyoa Tit In 2:10

bañ kơñau phan lơi, mơya pal yal tơlik nùs dòn song wil tơl, nàng tòm jơh ală bơta lơh jơnau Yàng Tom Trồ dê la Yàng Dong Klàs bol he dê geh gơklŏ.

Sră Pơyoa Pol Dê Pơyoa Tit In 2:15

Bơto tĕ ală bơta hơ̆, bơto tơngkah mơ lah pơrhơng dô bă gơs gơnoar wil tơl. Bañ lòi cau lơi sền òsơp di mê.

Hebrơ 7:26

Yàng Jesu la cau gơnoar dờng lam bồ ơn phan duh khoai bol he pal càng; Kơnràñ la sàng goh, ò gơs tiah geh lah pơrhơng, ò ƀơ̆ wàm, cah is bơh ală cau glài, geh yò tơngguh rlau mơ ală tap trồ.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

II Pier 3:14

Behơ̆ gen, ơ ală cau kòñ gơboh, bơh ală oh mi kơp gơn ală ngai hơ̆, gen ngac ngar tĕ nàng tòm tŭ ơm di đap mat Yàng, gen oh mi geh bơta lơngap lơngai, ò gơs tềl ƀơ̆, ò gơs tiah geh lah pơrhơng.

Yal Tơlik 2:5

Behơ̆ kah tĕ bơh tiah lơi mê neh gơhuc, gơjrañ sang glài tĕ, mơ lơh wơl ală broă mê neh lơh bơh sơnròp. Dilah ò behơ̆, Añ rơp tus hơ mê, mơ Añ rơp tă tơlik jơng ồs đèng mê dê bơh di tiah gơ.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.