Philip 2:14 - Sră Goh 2018

¹⁴ Bulah lơh broă lơi gen bañ yoam mơ tòm pơndang bal,

Philip 2:14 Mawu Ofanana

Đơs Crih 106:25

Bol khai yoam pơrhiat tòm sàl bol khai, Mơ ò dòn jat jơnau Yàng Jehôwa dê.

Jơnau Pơnđik 13:10

Bơta pơnhừ să tơnggơs bơta tòm pơndang bal; Ai bơta jak chài ơm mơ cau dòp jơnau bơto tơngkah.

Khà Làng Bol 14:27

“Gam nđò jŏ tai mpồl jơnum iơh bơsak do yoam joh tòmdră mơ Añ taih? Añ neh kơno jơnau yoam mơ ƀoah cau Israel dê.

Mathiơ 20:11

Dơ̆ neh dòp jền tơngai rau, gen bol khai yoam cau tòm suơn,

Jơnau Niam Jat Mak 14:5

Bơh mơñà do rgơi tac geh rlau pe rhiang dơnie nàng pà cau rƀah lơòi in.” Mơ bol hơ̆ yoam lah khai.

Jơnau Niam Jat Mak 9:14

Tŭ Yàng Jesu bal mơ pe nă cau bơtê hơ̆ tus hơ ală cau bơtê ndai, gen gŏ mpồl làng bol oă gòm gùt dar, mơ ală cau bơto bơta boh lam tòm pơndang bal mơ ală cau bơtê hơ̆.

Luka 5:30

Ală cau Pharisi mơ ală cau bơto bơta boh lam yoam ală cau bơtê Kơnràñ lah: “Ñchi bơh tài bol mê ñô sa bal mơ ală cau dar dia mơ cau glài taih?”

Broă 15:2

Tŭ hơ̆, gơs bơta ò dô nùs bal mơ bơta tòm pơndang oă ngan gơlik gơs digùl Pol mơ Banaba bal mơ ală cau hơ̆. Gen tàng Pol mơ Banaba bal mơ dô êt cau tòm mpồl bol hơ̆ geh sac rwah guh hơ Jerusalem, lòt tus hơ ală cau gơnoar bơto dờng mơ ală cau kwang kra nàng lùp bơh broă do.

Broă 15:39

Bơh bơta hơ̆, gơs bơta tòm pơndang bal kràñ cê ngan, tian gơs bàr nă bol khai tòmcah is; Banaba cèng Mak hào bal ơhò lòt tus hơ Ciprus.

Broă 15:7

Tơnơ̆ mơ tŭ bơyai nền cê, Pier ntào đơs mơ bol hơ̆ lah: “Ơ oh mi, oh mi git lah bơh ală ngai sơnròp Yàng Tom Trồ neh sac añ bơh digùl ală oh mi, nàng bơto Jơnau Niam làng bol bơdìh in, bơh hơ̆ bol khai rgơi kơno mơ dòn.

Broă 6:1

Tòm tŭ hơ̆, khà cau bơtê sơlo gơbơtơl oă tai, ală cau Juda đơs jơnau Grek yoam cau Juda đơs jơnau Aram, bơh ală cau ùr bơnrau bol khai dê neh kòl cau sang lòi tòm bơta pà phan kòp ngai.

Rôma 12:18

Dilah rgơi lơh, gen jơh tĕ pràn he nàng geh tòmsòr mơ jơh tơl nă cau.

Rôma 14:1

Dòp rò tĕ cau lơbơn tòm bơta dòn, mơya bañ pơndang bal bơh nùs kơlôi is cau dê.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

I Kôrintô 10:10

Kung bañ yoam, be cau ƀà tòm bol khai neh yoam mơ gơkòl chơt roh bơh Cau Gơnrơh Tơnroh.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Galati 5:26

Bañ jòi jat bơta tiơng pơnro màng ryŭ ò kwơ nàng tòm bơrcek bal mơ ƀoah gơjrañ bal.

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

I Tesalônika 5:13

Ai tĕ nùs kòñ gơboh mơ sền dờng màng di bol khai tài bơh broă lơh bol khai dê. Ơm tĕ gơtòmsòr bal mơ gơp.

I Tesalônika 5:15

Kơrhia tĕ, bañ gơs cau lơi ai bơta iơh bơsak sal wơl bơta iơh bơsak, mơya jòi jat tĕ sùm bơta niam gơwèt bal mơ gơp hala gơwèt mơ tơl nă cau.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

Jakơ 1:20

bơh bơta gơjrañ kòn mơnus dê ò lơh gơlik bơta song ring Yàng Tom Trồ dê.

Jakơ 3:14

Mơya dilah tòm nùs oh mi gơs bơta ƀoah gơjrañ, sràt bơtang mơ lơh kơnềs, gen bañ jòng să mơ đơs blac tòmdră mơ jơnau song.

Jakơ 5:9

Ơ oh mi, bañ yoam pơrhiat di gơp, tồ klàs di bơta cahrña; ne, Bơtau cahrña ơm di bơr mpồng.

I Pier 3:11

Pal pleh di bơta iơh mơ lơh bơta niam, Pal jòi bơta ring lơngai mơ ting jat bơta hơ̆.

I Pier 4:9

Wă rò sơrmah sơrmài tĕ bal mơ gơp, bañ yoam.

Jude 1:16

Ală cau hơ̆ la cau jak yoam pơrhiat mơ ò hừh nùs, lơh jat bơta hàm kòñ is he dê, jak đơs jơnau pơnhừ să, ngui jơnau đơs rơmhòc nàng geh cồng nha.