Philip 2:13 - Sră Goh 2018

¹³ Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Philip 2:13 Mawu Ofanana

I Ală Bơtau 8:58

dan Kơnràñ chồl nùs bol hi wèt mơ Kơnràñ, tồ bol hi lòt tòm ală gùng dà Kơnràñ dê, prap gàr ală bơta sồr lam, bơta boh lam, mơ gơnoar sồr Kơnràñ dê neh nting sồr ồng pàng bol hi dê.

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Ejra 1:5

Gen ală cau at bồ hìu nhă tòm Juda mơ tòm Benjamin, ală cau gơnoar ơn phan duh khoai mơ ală cau Lebi, jơh tơl nă geh Yàng Tom Trồ chồl nùs rcang sir nàng lòt tus bơt bơtào hìu Yàng Jehôwa dê tòm Jerusalem.

Ejra 7:27

Pal jòng ro Jehôwa Yàng Tom Trồ ală ồng pàng bol he dê bơh Kơnràñ neh ơn ală bơta hơ̆ tòm nùs cau bơtau nàng khai lơh gơklŏ hìu Yàng Jehôwa tòm Jerusalem,

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Sră Jop 33:29

Yàng Tom Trồ ngan lơh jơh ală bơta do; Bàr dơ̆, pe dơ̆ kòn mơnus in.

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

Đơs Crih 119:36

Dan lơh nùs añ in wèt hơ ală jơnau sồr kràñ cê Yàng dê; Bañ lòi añ wèt hơ bơta hàm hà.

Đơs Crih 141:4

Dan bañ lòi nùs añ wèt hơ bơta iơh lơi, bañ lòi añ giga tòm ală broă iơh bơsak, tòm mpồl ală cau lơh bơta tồi glài iơh bơsak; Dan bañ lòi añ sa phan bơkah bol khai dê.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Esai 26:12

Ơ Yàng Jehôwa, Kơnràñ rơndap nền bơta ring lơngai bol hi in; jơh ală broă bol hi lơh gơs, Kơnràñ neh lơh bol hi in.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Jeremi 32:38

Bol khai rơp lơh gơs làng bol Añ, mơ Añ rơp lơh gơs Yàng Tom Trồ bol khai dê.

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Luka 2:14

“Gơklŏ ngan Yàng Tom Trồ ơm hơđang tap trồ jòng rlau jơh, Ring lơngai tòm ù ai cau geh nđàc in niam nùs Kơnràñ.”

Jang 3:27

Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

Jang 6:65

Kơnràñ đơs lah: “Tài bơh hơ̆ tàng Añ neh đơs mơ bol mê lah dilah Bèp ò ai, gen ò gơs cau lơi rgơi lòt tus hơ Añ.”

Broă 11:21

Gơnap gơnoar Yàng ơm mơ bol khai, gen tàng gơs oă ngan cau dòn mơ rê wơl mơ Yàng.

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Rôma 9:11

Bulah bàr nă kòn òhềt deh, kung òhềt lơh broă lơi niam hala iơh, tồ bơta lơh nền Yàng Tom Trồ dê jat bơta sac rwah gam sùm, ò di jat broă lơh mơya jat Yàng Tom Trồ hòi sac,

Rôma 9:16

Gen bơta hơ̆ ò di bơh cau lơi kòñ hala cau lơi jòi jat mơ geh ò, mơya hơ̆ la bơh Yàng Tom Trồ nđàc sơngit.

I Kôrintô 12:6

Ală broă lơh ò di la ndròm bal, mơya gơs mìng dô nă Yàng Tom Trồ la Bơtau lơh jơh ală broă tòm jơh ală cau.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 3:5

Ò di să tòm bol he gơs tơl bơta chài rgơi is nàng kơlôi broă lơi gơlik bơh bol hi, mơya bơta chài rgơi bol hi dê tus bơh Yàng Tom Trồ.

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.

Ephesô 1:5

Bơh bơta kòñ gơboh, Kơnràñ neh lơh nền lài bol he in kơnòm di Yàng Jesu Krist nàng geh kòp la kòn klau kòn ùr, jat be nùs kòñ niam Kơnràñ dê,

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

I Pier 1:3

Jòng ro Yàng Tom Trồ, Bèp Yàng Jesu Krist la Yàng bol he dê. Bơh bơta kòñ nđàc tơngkah tơngkañ Kơnràñ dê mơ bol he geh deh wơl pa, tồ gơs bơta gơn kơnòm kis, kơnòm di bơta kis wơl bơh bơta chơt Yàng Jesu Krist dê,