Philip 1:7 - Sră Goh 2018

⁷ Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Philip 1:7 Mawu Ofanana

Broă 20:23

Mìng Yàng Hwềng Goh neh yal lài añ in git lah tòm kòp nơm ƀòn dờng, che sreng mơ bơta bòl glar ơm gơn añ.

Broă 21:33

Cau kwang at bồ mpồl ling lòt tus rềp kup khai, lồc behơ̆ sồr ai bàr dang che sreng cap khai, gen lùp: “Khai la ñcau, mơ ñchi broă neh lơh?”

I Kôrintô 13:7

Bơta kòñ gơboh kong jơh ală bơta, dòn jơh ală bơta, gơn kơnòm jơh ală bơta, ơt ơl jơh ală bơta.

I Kôrintô 9:23

Jơh ală broă añ lơh gen lơh tài bơh Jơnau Niam, tồ añ in kung geh tòmpà bơta lơngai lơngò Jơnau niam dê.

II Kôrintô 3:2

Oh mi la sră pơyoa bol hi dê, cih tòm nùs bol hi dê, jơh tơl nă cau git bal mơ sền bal.

II Kôrintô 7:3

Añ ò di đơs bơta hơ̆ nàng lơh nền glài oh mi; bơh añ neh đơs lài lah oh mi ơm tòm nùs bol hi dê, nàng kis bal chơt bal mơ gơp.

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Ephesô 6:20

Bơh Jơnau Niam hơ̆ mơ añ la cau gơnoar ala mat kòl kơt tòm che sreng, nàng ơm tòm hơ̆ añ gơs khin cha bơto Jơnau Niam hơ̆ be añ pal bơto.

Philip 1:12

Ơ ală oh mi, añ kòñ oh mi git lah ală bơta neh gơtơntus di añ ngan neh dong tòm bơta bơtào tơngguh Jơnau Niam,

Philip 1:13

tian gơs tòm ală hìu cau kwang mơ jơh ală cau ndai git jơh lơm lah tài bơh Bơtau Krist gen tàng añ kong kơt mơ che sreng.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Philip 1:5

tài bơh ală oh mi neh gơs pơnah tòm broă bơto Jơnau Niam dê bơh ngai sơnròp jơl tus di tŭ do.

Philip 2:22

Mơya oh mi git nùs nhơm niam khai dê, tòm tŭ khai duh broă Jơnau Niam bal mơ añ, gen kung be kòn lơh broă bal mơ bèp.

Philip 4:14

Bulah behơ̆ oh mi gơs pơnah tòm bơta bòl glar añ jê, hơ̆ la niam ngan.

Philip 4:15

Ơ cau Philip, să tòm oh mi kung git lah dơ̆ añ rơp sơntòm bơto Jơnau Niam, tòm tŭ añ sang lơgar Masedoan, gen rlau mơ oh mi ò gơs Hìu Jum Goh lơi ndai gơs pơnah bal mơ añ tòm bơta ai phan ngui sa añ jê;

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

Kôlôse 4:18

Tê tòm añ, Pol, cih jơnau do còp să oh mi. Kah tĕ che sreng añ jê. Dan bơta nđàc ơm bal mơ oh mi.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

I Tesalônika 5:5

Bơh oh mi jơh tơl nă la cau gơrê bal tòm bơta àng mơ trồ ngai. Bol he ò di bal mơ trồ mang, kung ò di bal mơ bơta klam jơngo.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

Philemôn 1:13

Añ neh gơs nùs kòñ sồr khai ơm wơl mơ añ nàng khai ala bi duh broă añ in tòm tŭ añ kong ơm jàm tài bơh Jơnau Niam.

Hebrơ 3:1

Behơ̆ gen, ơ oh mi sàng goh la ală cau geh pơnah tòm bơta hòi sac bơh đang trồ, sền kơlôi tĕ di Yàng Jesu la Cau gơnoar bơto dờng mơ Cau gơnoar dờng lam bồ ơn phan duh khoai mơ bol he dòn dòp.

I Pier 4:13

Mơya oh mi gơs pơnah tòm bơta bòl glar jê sồt Bơtau Krist dê kàr lơi, gen hòn chò tĕ kàr hơ̆, tồ tus di ngai bơta gơklŏ Kơnràñ dê geh ràng tơlik, gen oh mi kung geh hòn chò ò git lơh.

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

II Pier 1:13

Añ gam ơm tòm să jan do kàr lơi, gen añ kơlôi ngan la añ ai jơnau bơto tơngkah nàng chồl nùs oh mi,

I Jang 3:14

Bol he git lah he neh tiă rlau di bơta chơt mơ lòt tus hơ bơta kis, tài bơh bol he kòñ gơboh di oh mi he. Ai cau lơi ò kòñ gơboh gen kư̆ ơm tòm bơta chơt.